17 ساڵ بەسەر وەفاتی جەنابی شێخ ئەحمەد کاکە مەحموود تێدەپەڕێت.

ئەمڕۆ پێنجشەم 14 ی ڕەجەبی ساڵی 1445ی کۆچی بەرامبەر بە 25/1/2024 میلادی، 17 ساڵ بەسەر وەفاتی زاناو داناو خواناس و موهاجیرو موجاهیدو موفەسیری قورئانی پیرۆز جەنابی مامۆستا مەلا ئەحمەد کاکە مەحموود ڕەحمەتی خوای لێبێت تێدەپەڕێت،

 داواکارین لە اللە تعالی بەبەهەشتی بەرینی خۆی شادی بکات و لەگەڵ پێغەمبەران و ڕاستگۆیان و شەهیدان و گەورە پیاوانی ئوممەتی ئیسلام حەشری بکات.
لێرەوە و لەم ساڵوەگەڕەدا داواکارین لە موسوڵمانانی کوردستان و لایەنە ئیسلامییەکان بەتایبەتی زیاتر و باشترو تۆکمەتر هەوڵی یەکڕیزیی و تەبایی و خەمخواردنی ڕابوونی ئیسلامی لە کوردستان بدەن و لە هەمووکات زیاتر لەم سات و کاتەدا پێویستیمان بەیەکهەڵوێستی و برایەتی هەیە، چون جینۆسایدو کۆمەڵکوژییەکانی کەرتی غەززە باشتر ئەو ڕاستییانەی بۆ سەلماندین کە دەبێت موسوڵمانانی جیهان و کوردستان بەتایبەتی هەوڵی خێراو زیاتر بدەن بۆ ئەو مەبەستە.

لەکۆتایی ئەم پەیامەدا دوپاتی دەکەینەوە کە ئێمە لە پڕۆژە بانگەوازییەکانی مامۆستا مەلا ئەحمەد کاکە مەحموود بەیارمەتی خودا پەیمانی بەردەوامی لە درێژەدان بە ڕێگاو ڕێبازی ئیسلام و بانگەشەی تەوحیدو یەکخواپەرستی و ڕێگای بانگەوازو کۆچ و تێکۆشان بە زیندوویی ڕا بگرین.

وَلَيَنْصُرَنَّ اللَّهُ مَنْ يَنْصُرُهُ إِنَّ اللَّهَ لَقَوِيٌّ عَزِيزٌ.

عیرفان ئەحمەد کاکە مەحموود
سەرپەرشتیاری پڕۆژە بانگەوازییەکانی شێخ احمد کاکە مەحمود.

14ی ڕەجەبی 1445ی کۆچی بەرامبەر 25 / 1 / 2024ی میلادی.

www.ahmadkaka.org  -  wwww.dangiislam.org