پرسە نامە.

جەنابی مامۆستا مەلا سەیید حوسێن
یەکەم مامۆستاو وانەبێژی شێخ ئەحمەد کاکە مەحموود کۆچیی دوایی کرد.

انا للە واناالیە راجعون.

دوێنێ لە شاری مەریوانی کوردستانی ڕۆژهەوڵات جەنابی مامۆستا مەلا سەیید حوسێن لەتەمەنی زیاتر لە (90) ساڵ بەنەخۆشی کۆچیی دوایی کرد.

جەنابی مامۆستا چەندین ساڵ لە تەمەنی بەخشییە ئیسلام و موسوڵمانان و چەندین شارو گوندی کوردستانی گەورەی کردووە، وە لە ساڵانی شەستەکان و لە چەندین حوجرەدا وانەی بە منداڵانی گوندو و فەقێ وتوەتەوە، بەتایبەت لە شارۆچکەی خورماڵ و گوندەکانی یاڵانپێ و هانەی قوڵ و شاری مەریوان و گوندەکانی دەوروبەری. ئومێدەکەین ببێتە چاکەی بەردەوام بۆی.
وە جەنابی شێخ احمد کاکە مەحموود سەرەتای وانەکانی قورئان و تەجویدو ئەحمەدی و هەردوو عەوامیل و گوڵستانی سەعدی لەخزمەت جەنابی مامۆستا سەیید حوسێن خوێندوە لە گوندی یاڵانپێ.

خوای گەورە لەجەنابی مامۆستا خۆش ببێ و هەموو ماندووبوونەکانی لێ وەرگرتبێت.

بەناوی پڕۆژە بانگەوازییەکانی شێخ ئەحمەد و خانەوادەی شێخ احمد کاکە مەحموودەوە سەرەخۆشی لە بنەماڵەی بەڕێزیان و کەس و کاریان دەکەین و خوای گەورە پاداشتی هەموولایەک بداتەوەو جەنابی مامۆستاش بە بەهەشتی بەرینی شاد کردبێت. اللهم امین.

خانەوادەی شێخ ئەحمەد کاکە مەحموود - سلێمانى/  9 / 9 / 2021

پڕۆژە بانگەوازییەکانی شێخ احمد کاکە محمود رحمه الله.
www.ahmadkaka.org - www.dangiislam.org