پرس و راوێژ لەسەر ژنان و چوونە لای پزیشك؟

نووسین و وەڵامدانەوەی شێخ ئەحمەد كاكە مەحموود

وەڵام/
1- هەر شتێك زۆر پێویست نەبێ‌، بۆ پزیشك ناڕەوایە بیبێنێ‌ و دەستی لێ بدات.
2- كاتێ‌ ژنان دەچنە ژوورەوە لای پزیشك، دەبێ‌ مەحرەمیان لەگەڵ بێت، واتە: نابێ‌ بە تەنها بچێتە ژووری پزیشكەوە، چونكە خەڵوەت ڕوو دەدات، ئەوەیش حەرام و قەدەغەیە.
3- دەبێ‌ لە كاتی چارەسەردا، دكتۆر هەر ئەو جێگایە ببینێ‌، پێویستی بەچارەسەر هەیە.
4- تا بكرێ‌ پزیشكی ژنان چارەسەریان بۆ بكات، نابێ‌ بچنە لای پزیشكی پیاو.
5- پێویستە پزیشك و ژنە كارمەندەكانی نەخۆشخانەكان، جل و بەرگێكی وا لەبەر بكەن جەستەیان داپۆشێ‌ و تەسك و ترووسك نەبێ‌ لەبەریاندا.. واتە: نە ئەوەندە تەسك بێ‌ و قەدو باڵای بگوشێ‌، نە ئەوەندەش پان و پۆڕ بێت رێ‌ لە ئیش و كارەكانیان بگرێ.
6- دروست نیە پزیشك و هەر ئافرەتێكی تر لە نەخۆشخانە، یان لە هەر جێگایەكی تردا بەتەنها بمێنێتەوەو خەڵوەت روو بدات.
7- بەكارهێنانی وشەی (سستر) واتە: خوشك بەزمانی ئینگلیزی، هەقە تەنها بۆ ژنانی ئیماندار بەكار بهێنرێت.
8- ژنێك بچێتە لای پزیشكی ددان بۆ چارەسەر، یان بەپێچەوانەوە.. پێویستە ژنان لای پزیشكی ژنان و، پیاوان لای پزیشكی پیاوان بچن، مەگەر زۆر پێویست بێ‌ و دەست نەكەوێت.