پرس و راوێژ لەسەر ژنان و زەكات ؟

نووسین و وەڵامدانەوەی شێخ ئەحمەد كاكە مەحموود

وەڵام/
1- (شێخ ئیبن فوزان) دەڵێ‌: چاك وایە ژنان لە خشڵ و زەنبەردا زەكات بدەن، چونكە لەناو زاناكاندا قسەو بۆچوونی جیاواز هەیە لەوەدا، وە دەبێ‌ بزانن كە هەر شتێك بە نییەتی بازرگانی و كەسابەتەوە بێت، دەبێ‌ زەكاتی بدرێ‌، هەر شتێكیش بۆ بەكار هێنان بێت، زەكاتی تێدا نییە.
2- خشڵ و زەنبەر بە نرخی ئەو كاتە دەخەمڵێ‌ كە ساڵی بە سەرا دێتەوە، نەك رۆژی كڕینەكەی.
3- ئەگەر ژنێك زەكاتی خشڵەكەی دایە مێردەكەی، قەیدی نییەو دروستە.
4- زەكاتدان بە خوشكەزاو برازا..تاد.. بە مەبەستی مارەیی و نەفەقەی ژن هێنان ڕەوایە.
5- زەكاتدان بە باوك و دایك دروست نییە، چونكە - ئەگەر موتاج بوون - هەقە نەفەقەیان بكێشرێ‌.
6- كەسێ‌ بتوانێ‌ منداڵی بژێنێ‌، نابی زەكاتیان بداتێ‌.
7- زەكات بە خوشكی شوو كردو دەدرێ‌، ئەگەر مێردەكەی هەژار بێت.
8- ژنان بەبێ‌ ئاگاداری مێرد، دەتوانن لە ماڵی خۆیاندا، خێرو صەدەقە بكەن، چ بۆ خۆیان، چ بۆخزم و كەس و كاریان، چونكە ژنان لە ماڵی خۆیاندا بۆ ئاڵ و وێل ئازادن.
9- ژنان بۆیان هەیە لە ماڵی مێردیاندا خێرو صەدەقە بكەن، ئەگەر بزانن مێردەكەیان رازییە.
10- كۆ كردنەوەی مووچە، پاشان ساڵی بەسەرا بێتەوە.. شێوەی زەكات دەركردن لێی بەم شێوەیە: هەر ئەندازەیەكی ساڵی بە سەرا هاتەوە زەكاتی بدات، بۆ ئەوی تریشی چاوەروانی هاتنی ساڵەكەی بێت، خۆ ئەگەر لە سەرەتای ئەو بەشەیەوە ساڵی بە سەرا هاتۆتەوە، زەكاتی هەموو بدات دروستە.