گەورەترین شەرەف و دەست مایە بۆ ئەم ئوممەتە جیهادە.

(ثُمَّ لاَ يَكُونُوا أَمْثَالَكُمْ) ئەوسا ئەوانیش وەک ئێوە نابن. پێشەوا (موسلیم) دەڵێ: پێغەمبەر ﷺ ئەم ئایەتەى: (وإن تتولوا..) خوێندەوە، پاشان هاوەڵانى وتیان: دەبێ ئەوانە چ کەسانێک بن – کە ئەر ئێمە لا بدرێین- ئەوانە دەخرێنە جێى ئێمەوەو، وەک ئێمەش نابن؟ واتە: ئەوان لێبڕاو تر دەبن، دەڵێ: پێغەمبەر ﷺ دەستى خستە سەرشانى (سەلمان)ى فارسیى و فەرمووى: ((هذا وقومه، ولو كان الدين عند الثريا، لناله رجال من الفرس))( الراوي: أبو هريرة- المصدر: صحيح الترمذي - الصفحة أو الرقم: 3260، وصححه الألباني )، (قال الدكتور محمد البرزنجي: الحديث رواه الترمذي في سننه ح (3261) ، وقد ضعفه كثير من أهل العلم، من المتقدمين والمتأخرين فقد  قال الترمذي بعد روايته له : غريب في إسناده مقال. وقال البغوي في "شرح السنة" (7/261) : غريب. وقال ابن العربي في "عارضة الأحوذي" (6/330): روي من طرق كثيرة لم تبلغ مرتبة الصحة. وقال الشوكاني في "فتح القدير" (5/61) : في إسناده مسلم بن خالد الزنجي ، فيه مقال معروف. ورأى بعض العلماء المعاصرين كالشيخ الألباني أن تعدد طرق الحديث يقوي بعضها بعضا فصححه، ولا يعتد بتصحيح المعاصرين لحديث ضعفه جمع من المتقدمين والمتأخرين، على جلالة قدر الشيخ الألباني. والله أعلم. ) ئەمە خۆیى و هۆزەکەیەتى، چونکە ئەوەندە دینییان خۆش دەوێت، ئەگەر لەلاى ئەستێرەى کۆیشدابێ، دەستى پیاوانى ئەوانى دەگاتێ و جیهاد دەکەن، ماڵ و سامان بەخت دەکەن، تێدەکۆشن، ململانێ لەگەڵ تاغووتاندا دەکەن و سازشیان لەگەڵ ناکەن.
بەڵێ گەورەترین شەرەف و دەست مایە بۆ ئەم ئوممەتە، تەنیاو تەنیا قورئان و باوەڕە، سەرکەوتنى ئەوان و تێکشکانى دوژمنانى دینى خوایە، موسڵمانەکان چەندە هەوڵ بدەن و، تێبکۆشن، ئەوەندەش سەردارو سالارى جیهان ئەبن، هەر کاتێکیش تەمبەڵیى و رژدیى و چرووکییان کردو وازیان لە جیهاد هێنا، ئەوا خوایش نە یارمەتییان ئەدات، نە لەگەڵیشیان ئەبێ، وە نە هەر ئەوەندە، بەڵکو زەلیل و ریسواو ژێر دەستى گەلانیش ئەبن، وەک ئێستا موسڵمانان لە ملیارێک زیاترن و، یەک لەسەر چوارى دانیشتوانى گۆى زەوییان داگرتووە، لەولایشەوە لە بەرهەمهێنانى نەوت و، چەندین شتى تردا یەکەمى جیهانن، دەبینى لەگەڵ ئەوانەشدا هیچ جۆرە کیان و بوونێکیان نیە! هیچ گومانێکش لەوەدا نیە کە ئەوە باجى لادانیانە لە جیهاد، چونکە سوننەتى ئەم ئایینى خوا وایە هەردەبێ بەو جۆرەیە سەر بخرێت، کە دەستەى یەکەم و بۆ جارى یەکەم پێى سەرکەوتن. والله أعلم.

ئەحمەد كاكه مەحموود