لە فەزڵ و گەورەیى مزگەوتدا.

لە فەزڵ و گەورەیى مزگەوتدا.

ئیمامى (بوخاریى)و (موسلیم) ڕیوایەتیان کردووە کە پێشەوا (عوسمان) گوتویەتى: گوێم لە پێغەمبەر بوو ﷺ دەیفەرموو: ((من بنى مسجدا يبتغي به وجه الله، بنى الله له مثله في الجنة)).(صحيح البخاري، كتاب الصلاة، أبواب استقبال القبلة، باب من بنى مسجدا، حديث : ‏441‏. ) واتە: هەر کەسێک لەبەر خوا مزگەوتێک بکاتەوە، مەبەستیشى هەر ڕەزامەندیی و خۆشنوودیى ئەوبێت، بێگومانە کە خواى دلۆڤانیش لە نموونەى ئەو مزگەوتە- لە گەوەریى و بچوکییدا- کۆشکێکى دەداتێ لە نێو بەهەشتدا.
ئیمامى (موسلیم)یش لە (ئەبوو بورد)ەوە دەڵێ: پیاوێک لەمزگەوتدا هاوارى بۆ شتێکى گومبووى خۆى دەکرد، پێغەمبەر ﷺ فەرمووى: ((لا وجدت، إنما بنيت المساجد لما بنيت له)).( صحيح مسلم، كتاب المساجد ومواضع الصلاة، باب النهي عن نشد الضالة في المسجد وما يقوله من سمع، حديث : ‏913‏. ) واتە: یاخوا نەکەوێتەوە دەستت، ئەى مەگەر نازانى مزگەوتەکان تەنها بۆ خواپەرستى بیناکراون! وە لە فەرموودەیەکى (متفق علیە)دا هاتووە: ((إذا مر أحدكم في مسجدنا، أو في سوقنا، ومعه نبل، فليمسك على نصالها، أن يصيب أحدا من المسلمين منها شيء)).( صحيح البخاري، كتاب الفتن، باب قول النبي : من حمل، حديث: ‏6681‏./ صحيح مسلم، كتاب البر والصلة والآداب، باب أمر من مر بسلاح في مسجد أو سوق أو غيرهما، حديث : ‏4846‏. ) واتە: هەرگا کەسێک لەئێوە بەناو مزگەوتماندا تێپەڕى، یان بەناو بازاڕماندا، وە تفەنگ و چەکیشى پێ بوو، دەبا باش باشێ تیرەکەى مەحکەم بکاو، (مەترسى دەرچونى نەهێڵێت) تا خەڵکى ئازار نەدات. والله أعلم.

ئەحمەد كاكه مەحموود

بەروار2020/04/04سەردان 356