زۆرترین خوێندراوە
دیداری به‌رێز مامۆستا عه‌لی باپیرماناو واتاى (حیجر).؟وته‌ی به‌رێز مامۆستا ئیبراهیم مه‌ردوخی‌ئایا ژنان دەتوانن فێری هەموو زانیارییەک ببن.؟وشەى (عسى) لە قورئاندا.؟گەلێک شۆڕش نەکات نە فەرهەنگى هەیە، نە نیشتمان.وەسیەت بۆ باب و دایک و خزمان پێویستە.!پەیوەندی دەوڵەتان و مافی ھاوڵاتیان و بێگانەکان (الأجانب) لە ئیسلامدا.!دیداری به‌رێز ئه‌رسه‌لان تۆفیق نووسه‌رو ڕووناكبیر
دیداری به‌رێز ئه‌رسه‌لان تۆفیق نووسه‌رو ڕووناكبیر
ئه‌رسه‌لان تۆفیق: نووسه‌رو ڕووناكبیرو هاوكاری مامۆستا له راگه‌یاندنی بزووتنه‌وه‌ی ئیسلامیی
به‌رله‌وه‌ی وه‌ڵامه‌كانم بده‌مه‌وه ده‌مه‌وێت بڵێم: به‌داخه‌وه ئێمه‌ی كورد زیندوو كوژی مردوو په‌رستین، به‌و مانایه‌ی كه هه‌ركه‌سێك له ئێمه تانه‌مرێت –مه‌گه‌ر به‌ده‌گمه‌ن- ئه‌گینا رێزی لێناگرین و قه‌دریشی وه‌ك پێویست له‌به‌ر چاو ناگرین، هه‌ر لێره‌دا ده‌مه‌وێت وته‌ی نوسه‌رێكی رۆژئاوایی –ناوه‌كه‌یم بیرنه‌ماوه- به‌یاد بهێنمه‌وه كه ده‌بێژێت(پێمخۆشه تا له ژیاندام ، له رۆژنامه‌یه‌كی پله سێ و له یه‌كێك له گۆشه ئیهمالكراوه‌كانی لاپه‌ڕه‌یه‌كی ئیهمالكراودا، نووسه‌رێكی پله شه‌ش، ته‌نها چه‌ند دێڕێكم له‌سه‌ر بنووسێت، تا له‌دوای مردنی خۆم، نووسه‌رێكی پله یه‌ك له رۆژنامه‌یه‌كی پله یه‌كدا و له مانشێتی سه‌ره‌كیدا ناوم بێنێت و دواتر زۆرم له‌سه‌ر بگوترێت).. به‌باسكردنی ئه‌و دوو نموونه بچكۆله‌یه‌وه ده‌مه‌وێت له ده‌رگای پرسیاره‌كانی گۆڤارو سایته‌كه‌تان بده‌م.
- ناسینی من بۆ مامۆستا مه‌لا ئه‌حمه‌د ده‌گه‌ڕێته‌وه بۆ ناوه‌راستی هه‌شتاكانی سه‌ده‌ی رابوردوو، له‌كاتێكدا ئێمه له هه‌ڕه‌تی لاویماندا بووین و تازه به‌تازه ده‌ستمان لاپه‌ڕه‌ی كتێبی ده‌گرت و چاومان له سه‌ر دێڕه‌كانی وه‌ك كه‌نه‌سمه‌یه‌كی تینوو ده‌نیشته‌وه، زایه‌ڵه‌ی ده‌نگی چه‌ند نووسه‌رێكی غه‌ریب له گوێی كاروانییه‌كاندا ده‌زرنگایه‌وه، ئه‌گه‌ر مامۆستا حبیب محمد سعید شاره‌زای كردین به ژیانی هاوه‌ڵانی پێغه‌مبه‌ر و مه‌لا موحه‌مه‌دی شاره‌زووریش فێری ئه‌وه‌ی كردین كه چۆن بتوانین تێبگه‌ین و قووڵ ببینه‌وه، ئه‌وا مامۆستا مه‌لا ئه‌حمه‌دی كاكه مه‌حموود ده‌ستی بۆ چه‌ند ته‌وه‌رێكی بنچینه‌یی برد و بۆ هه‌ر یه‌كه‌شیانی به ته‌رازوویه‌كی شه‌رعی هه‌ڵیده‌سه‌نگاند، سه‌ربه‌ستی، دادپه‌روه‌ری، خواپه‌رستی، ئازادی له ئیسلامدا و هه‌ندێك ته‌وه‌ره‌ی تری له‌و جۆره پێویستی سه‌رده‌م بوون و گه‌نجی وه‌ك ئێمه‌ی تینووی خوێندنه‌وه ده‌كرد، كاكه مه‌حموود ده‌رگایه‌كی ئه‌وتۆی به رووماندا كرده‌وه كه نووسه‌ره‌كانی پێش ئه‌و له‌و ده‌رگایان نه‌دابوو، هه‌ربۆیه مامۆستا له‌و كاتانه‌وه به‌و كتێبانه‌وه ناسرا، له بیرمه جارێكیان هاته ماڵه خزمێكیان له‌گه‌ڕه‌كی ئێمه له شاری سیدصادق و له دوای نوێژی مه‌غریبه‌وه له نێو گه‌نجه‌كاندا مایه‌وه‌و هه‌ندێك قسه‌ی كرد كه زۆرمان پێخۆش بوو، راستی ئه‌و پیاوه ئه‌وه‌نده‌ی وه‌ك نووسه‌ر كه‌وته به‌رچاوانم، تا هه‌نووكه‌ش نه وه‌ك مه‌لایه‌كی ئاسایی و نه‌وه‌ك سیاسه‌تمه‌دارێكی بێبه‌ندوو باو نه‌مناسی.
له نێو بزافی ئیسلامیدا هه‌ڵه‌یه‌كی گه‌وره هه‌یه –به‌بڕوای من- كاتی خۆی حه‌زره‌تی عومه‌ری كوڕی خه‌تاب كاری تێداكردوو بناغه‌ی راستكردنه‌وه‌كه‌ی دامه‌زراند، به‌ڵام به داخه‌وه تاهه‌نووكه‌ش خه‌ڵكانێك ده‌یانه‌وێت هه‌ر له‌سه‌ر ئه‌و سیسته‌مه بڕۆن، كه كۆكردنه‌وه‌ی سیفه‌ته‌كانی خه‌لیفایه‌تی ئه‌بووبه‌كری صدیقه له هه‌ر كه‌سێكی ئیسلامیدا، به‌و مانایه‌ی كه ده‌بێت كه‌سی موسڵمان فریای هه‌موو شته‌كان بكه‌وێت و گرد سیفه‌ته‌كانی سه‌ركردایه‌تی كردنی تێدابێت، به‌ڵام كاتێك حه‌زره‌تی عومه‌ر ده‌ركی مه‌ترسیداری بابه‌ته‌كه ده‌كات سه‌رجه‌م ده‌سه‌ڵاته‌كانی خه‌لیفه به‌خۆی ره‌وا نابینێت و دابه‌شی ده‌كات به‌سه‌ر چه‌ند كه‌سێكدا، بۆ نموونه: دارایی و پۆلیس و دادوه‌ری و پێشنوێژی و سه‌ركردایه‌تی سوپا و پاسه‌وانی-پۆلیس- هه‌ریه‌كه‌یان ده‌داته ده‌ست كه‌سێكی شیاو له‌و بواره‌دا، كاتێكیش لێی ده‌پرسن ده‌بێژێت: ئه‌گه‌ر ئه‌بووبه‌كر خه‌لیفه‌ی پێغه‌مبه‌ر بوو ئه‌وا من ده‌بمه خه‌لیفه‌ی خه‌لیفه‌ی پێغه‌مبه‌ری خودا، دوای منیش ئه‌و نازناو و سیفه‌ته ده‌گوازرێته‌وه، هه‌ر بۆیه به‌باشی ده‌زانم خۆم ناوبنێم، ئه‌میره‌لموئمینین... ئه‌گه‌ر ئه‌سڵی وت و وێژه‌كه‌م وه‌ك خۆی نه‌گواستبێته‌وه داوای لێبوردن ده‌كه‌م چوونكه سه‌رچاوه‌كانم لانه‌مابوو، به‌ڵام ئه‌و رووداوانه ئه‌وه‌نده به‌ناوبانگن كه‌له‌و بڕوایه‌دام سه‌رچاوه‌یان نه‌وێت.
هه‌ربۆیه ده‌مه‌وێت لێره‌دا ئه‌وه بڵێم – كه یه‌ك دووجاریش به مامۆستا خۆیم گوتووه، ئه‌ڵبه‌ته له بۆنه‌ی جیاوازدا و له كاتی گفتوگۆكردنی تایبه‌تیماندا- كه ئه‌گه‌ر مامۆستا له‌به‌ر سته‌م و ناله‌بارییه‌كانی رژێم هه‌ڵات و رووی له وڵاتی غه‌ریبایه‌تی كرد، ده‌بوو له نێو تایبه‌تمه‌ندی خۆی و خولیای خۆیدا بجوڵایه‌ته‌وه‌و خۆی له قه‌ره‌ی هه‌ندێك بابه‌ت نه‌دایه كه هه‌ندێكجار زیانی لێداوه نه‌ك قازانجی پێگه‌یاندبێت، بریا مامۆستا له خوێنه‌رانی خۆی دانه‌بڕایه‌و خواسته‌كانی ئه‌وانی بخستایه‌ته سه‌ر لاپه‌ڕه‌كان و له‌و بواره‌دا مێژووی ژیانی خۆی تۆماربكردایه- كه ئه‌گه‌ر راستم گوتبێت له كۆتاییه‌كانی ژیانیدا گه‌ڕایه‌وه سه‌ر ئه‌و ته‌وه‌ره‌یه‌و به‌رده‌وام له نێو نوسین و خوێندنه‌وه‌و ساغكردنه‌وه‌ی بابه‌ته زانستی و ته‌فسیریه‌كاندا بوو-، مامۆستا له‌بری ئه‌وه‌ی چه‌كێكی هه‌ڵده‌گرت و باره‌گاو باره‌گا پێشمه‌رگه‌كانی بزووتنه‌وه‌ی ئیسلامی به‌سه‌رده‌كرده‌وه، بریا پێنووسه‌كه‌ی به‌ده‌سته‌وه بگرتایه‌و( فیقهی جیهاد و قیتال و چۆنیه‌تی موسامه‌حه‌و پێكه‌وه ژیان و دار الحرب و دار الایمان) و باسه‌كانی تری په‌یوه‌ندیدار به‌ره‌وتی بزووتنه‌وه‌ی ئیسلامییه‌وه شرۆڤه بكردایه، ئاخر كاتێك ئه‌و و ئه‌مسالی ئه‌و سه‌نگه‌ری قه‌ڵه‌میان چۆڵكرد و وه‌ك هه‌ر موجاهیدێكی تر كڵاشینكۆفێكیان كرده شان و ده‌مانچه‌یه‌كیان كرد به لاقه‌د دا، ئیتر سه‌نگه‌ره‌كه چۆڵكرا بۆ كۆمه‌ڵه خه‌ڵكێكی كاڵفام وتیانه‌وه‌ستاو .. خه‌ڵكانێك كه ده‌ربایستی خۆێن و ماڵ و منداڵ و سامانی كه‌س نه‌بوون، ئه‌وان به‌رله‌وه‌ی له مه‌قاصیدی شه‌ریعه‌ت تێبگه‌ن به فیقهی سه‌رده‌مه كۆنه‌كان خه‌ڵكیان دادگایی ده‌كرد و له‌بری ئه‌وه‌ی -رحمه للعلمین- بن، بوونه زه‌حمه‌تی بێڕه‌حمه‌ت، هه‌ر بۆیه لێره‌دا من نابێژم ئه‌و نه‌ده‌بوو وایبكردایه چوونكه ده‌زانم كه له‌سه‌ر ئه‌و بابه‌تانه له‌دوای مردنی خۆی- سوودێكی ئه‌وتۆی نییه- به‌ڵام ته‌نها ئه‌وانه بۆ ئه‌وه به‌یاد ده‌هێنمه‌وه كه ئه‌وانه‌ی تر سوودی لێوه‌ربگرن، به تایبه‌تی له كاتێكدا كه دونیای ئه‌مڕۆ دونیای تایبه‌تمه‌ندییه‌و هه‌ركه‌سه‌ش ناتوانێت له‌هه‌موو بابه‌ته‌كاندا ببێته پسپۆڕ.هه‌ر بابه‌تێكی بۆ هاته پێش ئه‌سپی خۆیی تێدا تاو بدات، وه‌ك لای هه‌ندێك له سه‌ركرده ئیسلامیه‌كان باوه!!
به‌هه‌رحاڵ مامۆستا له‌به‌ر ئه‌وه‌ی له‌سه‌ر ره‌وتی ئاسایی خۆی كه‌مێك ترازابوو، كه نوسین و دنیای خوێندنه‌وه‌و هه‌ڵسوكه‌وتكردن بوو له‌گه‌ڵ كتێب، هه‌ر بۆیه جاروباریش زلله‌ی میهره‌بانی خودای به‌رده‌كه‌وت، وه‌ك ئه‌و روداوه نه‌خوازراوانه‌ی له نێو ئۆردوگاكانی ئێراندا روویاندا، جاروباریش بیری ده‌كه‌وته‌وه‌و له نێو ئه‌و هه‌موو مه‌شغه‌ڵتانه‌دا كه بۆی دروستكرابوو ده‌هاته‌وه سه‌ر هێڵی خوێندن و خوێندنه‌وه‌و بۆ ئه‌و مه‌به‌سته‌ش من بۆ خۆم چه‌ند جارێك پێشنیاری ئه‌وه‌م بۆ كردووه كه خه‌ریكی كتێب و ده‌فته‌ر بوون خێری زۆرتره بۆ دین و بۆ دونیاش، به‌ڵام هه‌ندێك بارودۆخی تایبه‌تی و گشتی بزووتنه‌وه ئه‌و ده‌رفه‌ته‌یان لێبه‌رته‌سك كردبوه‌وه تا ئه‌م ئه‌خیرانه‌و لاواز بوون و بچووك بوونه‌وه‌ی بزووتنه‌وه‌ی ئیسلامی بوونه زلله‌یه‌كی تری خودایی تا چه‌ندانی وه‌ك مامۆستا بگه‌ڕێنێته‌وه سه‌ری ره‌وتی ئاسایی خۆیان و ئه‌وه‌بوو زۆربه‌ی ژیانی خۆی له نێو كتێب و نوسیندا به‌سه‌ر برد، كه مه‌گه‌ر میوان یان سه‌ردانێكی ئه‌ملاولا ئه‌گینا به‌رده‌وام خه‌ریكی كنه‌كردن و گه‌ڕان و پشكنین بوو، وا ده‌زانم هه‌ر له‌و ماوانه‌شدابوو كه ته‌فسیره‌كه‌ی بكه‌وێته نێو كتێبخانه‌ی كوردی، كه خولیای چه‌ندین ساڵه‌ی ئه‌و بوو...كه‌چی سه‌دان كه‌س له دوای ئه‌و ده‌ستیانپێكردو به‌سه‌دان فرسه‌خ له بواری نوسین و بڵاوكردنه‌وه‌ی بابه‌ته‌كانیانه‌وه كه‌وتنه پێشی مامۆستاوه. ئه‌ڵبه‌ته من ناتوانم بڕیاری ئه‌وه بده‌م كه باشتریان كردووه یان نا..
هه‌بوونی زانای ئیسلامی شاره‌زا نه‌ك هه‌ر له‌نێو بزاڤی ئیسلامیدا، به‌ڵكو له كۆمه‌ڵگه‌یه‌كی ئاینی وه‌ك كوردستاندا پێویستییه‌كی گه‌وره‌یه، ئه‌گه‌ر كۆمه‌ڵگه و ره‌وتی گه‌شه‌كردنی كۆمه‌ڵگه به كه‌شتییه‌ك بچوێنین، ئه‌وا ده‌بێت بگوترێت زانایانی ئیسلامی شاره‌زا و به ئه‌زموون به‌وه‌فا بۆ نه‌ته‌وه‌و نیشتمان و ئاین په‌روه‌ر زۆر پێویستن و وه‌ك كه‌شتیوان وه‌هان.. به‌ڵام دووباره ده‌مه‌وێت بچمه‌وه بۆ باسكردنه‌وه‌ی تایبه‌تمه‌ندییه‌كه‌و ببیژم مامۆستا مه‌لائه‌حمه‌د ئه‌گه‌ر له‌بواری خۆی نه‌ترازایه‌و له بری ده‌مانچه‌كه‌ی پێنووسه‌كه‌ی هه‌ڵگرتایه‌ته‌وه بێگومان خزمه‌تی زۆرتری ده‌كردو به‌بڕوای من –به ئه‌وو چه‌ندانی تری وه‌ك ئه‌و- ده‌كرا كوردیش وه‌ك هه‌ر نه‌ته‌وه‌یه‌كی تری ئیسلامیی ناوچه‌كه خوێندنه‌وه‌یه‌كی تری كوردانه‌یان بۆ ئیسلام بكردایه‌و و ته‌فسیری كوردانه‌ی ئایه‌ت و فه‌رمووده‌و روداوه مێژووییه‌كانیان بكردایه، له لایه‌كی تریشه‌وه ئێمه‌ی خوێنه‌وارانی كورد رزگارمان ده‌بوو له‌و هه‌موو فتوا جۆراوجۆرانه‌ی كه له عه‌ره‌به‌كان و فارس و توركه‌كانه‌وه بۆمان دێن و هێشتا بۆنی ره‌گه‌ز په‌رستییان لێوه دێت، ده‌كرا به‌م جۆره خه‌بات و تێكۆشانه‌كانی درێژه پێبدایه‌و مه‌جالیان بۆ –ئه‌بو فڵان- و –شێخ فڵان- ی ئه‌ملاولا نه‌كردایه‌ته‌وه هه‌ر له دووره‌وه فه‌توای جۆراوجۆرمان له سه‌ر ده‌ربكه‌ن و ئێمه‌ش هه‌ر به –مخرب- و-عاصی- و كێوی بزانن و خۆشیان به موسڵمانی عه‌یاره 24.
ئاخر ئه‌وه بێده‌نگی زاناكانی ئێمه بوون ئه‌وان جورئه‌تی قسه‌كردنی و فتوا له‌سه‌ردانی ئێمه‌یان گرتۆته ئه‌ستۆ!! ئه‌وه‌ی جێگه‌ی داخه نه‌بوونی پیاوی شیاو له جێگه‌ی شیاودا زۆر جاران ئه‌و جۆره پیاوانه‌ی ناچار به‌وه‌كردووه كه بچنه هه‌ندێك شوێن و له به‌رامبه‌ر هه‌ندێك كه‌سدا دابنیشن كه هه‌ق وانییه، كه ده‌بوو ئه‌و كه‌سانه له به‌رده‌م حوجره‌كه‌یاندا بوه‌ستانایه‌و ده‌سته‌وه نه‌زه‌ر له چاوه‌ڕوانی فه‌توایه‌كی ئه‌ماندا بوونایه.. به‌س ده‌ڵێی چی..!!
لێره‌دا جێگه‌ی خۆیه‌تی یه‌كێك له یاداوه‌رییه‌كانم له‌گه‌ڵ ئه‌و نووسه‌ره به‌ڕێزه‌دا به یاد بهێنمه‌وه كه پێموایه خه‌ڵكانێكی كه‌م ئاگادارن و له‌وانه‌شه ئه‌وانیش به‌بیریان نه‌یه‌ته‌وه... له‌رۆژی 31/ئاب/1996 دا له باره‌گای مه‌كته‌بی راگه‌یاندنی بزووتنه‌وه‌ی ئیسلامی له –هه‌ڵه‌بجه- خه‌ریكی تاووتوێی سیاسه‌تی راگه‌یاندنی ئه‌و رۆژانه بووین كه ده‌بێت چی بڵێین و چۆن هه‌ڵسوكه‌وت له‌گه‌ڵ ئه‌و رووداوه‌دا بكه‌ین، له‌ناكاو و به‌بێ مه‌وعیدی پێشینه هه‌ندێك فه‌رمانده‌ی سه‌ربازیی ئه‌وسای بزووتنه‌وه مۆڵه‌تیان خواست كه مامۆستا مه‌لا ئه‌حمه‌د ببینن، مامۆستاش فه‌رمووی لێكردن و دوای ئه‌وه‌ی كه ویستیان دانیشتنه‌كه نهێنی بێت به‌ڵام مامۆستا وتی ئه‌وانه‌ی كه دانیشتوون ئه‌ندامانی مه‌كته‌بی راگه‌یاندنن و نامه‌وێت شتێكیان لێبشارمه‌وه به تایبه‌تی كه من لێپرسراویانم، به‌هه‌ر حاڵ ئه‌وان كه‌وتنه قسه‌كردن و گوتیان: ئێسته كاتی ئه‌وه‌یه كه ئێمه ده‌ستێك له سه‌ركرده‌كانی – یه‌كێتی- بوه‌شێنین، چونكه هه‌موویان له هه‌وڵی ده‌ربازبووندان و به هیچ شێوه‌یه‌ك توانای به‌رگری كردنیان نییه‌و به نهێنی و ئاشكرا ده‌توانین كێمان بوێت له زووترین كاتدا یه‌كلایی بكه‌ینه‌وه... به‌ڵام مامۆستا نه‌یهێشت قسه‌كه‌یان ته‌واو بكه‌ن و یه‌كسه‌ر توڕه بوو، توڕه‌بوونێك كه له‌وه‌وپێش مامۆستام به‌و شێوه تووڕه‌ییه نه‌بینیبوو.. گوتی ئه‌وه‌ی ئێوه باسی ده‌كه‌ن پێچه‌وانه‌ی ده‌قه شه‌رعیه‌كان و سیاسه‌تی شه‌رعییه، موناقه‌شه‌ی زۆری بابه‌ته‌كه‌یان كرد و مامۆستاش تا ده‌هات تووڕه‌تر ده‌بوو، تا كار گه‌یشته ئه‌وه‌ی كه مامۆستا گوتی ئه‌وه رای ئێمه‌یه هه‌ركه‌سیش هه‌ر كارێكی پێچه‌وانه‌ی ئه‌مه بكات نه‌ك هه‌ر به‌رگری لێناكه‌ین به‌ڵكو ته‌سلیم و راده‌ستی به‌رامبه‌ریشی ده‌كه‌ینه‌وه، ئێمه ناتوانین به‌رگری له كه‌سانێك بكه‌ین كه به قسه‌مان نه‌كه‌ن... هه‌ر بۆیه هه‌وڵی ئه‌و براده‌رانه پووچكرایه‌وه كه ئه‌گه‌ر جێبه‌جێ بكرایه كۆمه‌ڵێك خوێنی زۆرتر ده‌رژاو ژماره‌ی كاره‌ساته‌كان زیاتریان ده‌كرد...بڕوام وایه هه‌ڵوێستی له‌و شێوانه بۆ مامۆستا گه‌وره‌یی و شاره‌زایی و دڵسۆزیی و خۆشه‌ویستی نه‌ته‌وه‌و نیشتیمان و پابه‌ندی وه‌عد و هاوپه‌یمانی یه، هه‌ر هیچ نه‌بێت كه‌سایه‌تی گه‌وره‌ی ئه‌و نیشان ده‌دات كه نه‌یهێشت ئه‌و كه‌سانه هه‌نگاوی هه‌ڵه هه‌ڵبگرن ...
په‌یامی ئێمه بۆ هه‌واداران و لایه‌نگرانی بیروباوه‌ڕه‌كانی مامۆستا ئه‌وه‌یه كه ڕێگه‌ی ئه‌و پیاوه هه‌ڵه نه‌كه‌ن و رێچكه‌كه‌ی نه‌هێڵن كاڵ ببێته‌وه، ئه‌وه‌ی ئه‌و بناغه‌كه‌ی داناوه ئه‌مان بینایه‌كه‌ی بكه‌ن، گرنگترینیان دۆزینه‌وه‌ی پاڵپشته شه‌رعییه‌كانه بۆ چه‌مك و قه‌یران و كێشه‌كانی سه‌رده‌م، سه‌رده‌میانه بژین و سه‌رده‌میانه‌ش فه‌توا بده‌ن و سه‌رده‌میانه‌ش له‌گه‌ڵ گۆڕانكارییه‌كاندا بن، وه تكام وایه ئه‌وانه‌ی كه پێیان وایه مامۆستا هه‌ڵه‌یه‌كی كردووه- وه‌ك مرۆڤێك- ئه‌مان دووباره‌ی نه‌كه‌نه‌وه‌و باری سه‌رشانیشی قورس نه‌كه‌ن.. ئه‌و پیاوه به گه‌وره‌یی و نه‌رمونیانی و میانڕه‌وی ژیا و هه‌ر به‌و شێوه‌یه‌ش سه‌ری نایه‌وه، گۆڕی پڕنوور، به‌و هیوایه‌م منداڵه‌كانی جێگه‌كه‌ی به چۆڵی نه‌هێڵنه‌وه و به شێوه‌یه‌ك پڕی بكه‌نه‌وه كه له شان و شكۆی كه‌م نه‌كه‌نه‌وه... هه‌رچۆنێك بێت ئه‌و مرۆڤێك بوو ئیراده‌ی چاكه خوازیی زۆر بوو ئه‌گه‌ر له بواری جێبه‌جێكردنیشدا 100% بۆی جێبه‌جێنه‌كرا، ئه‌وا ده‌كرێ بگوترێت ئه‌وه‌ی پێكرا كه كردی، خودا چاكه‌كانی قبوڵ كردبێت و له خراپیه‌كانیشی ببورێت....
ئه‌رسه‌لان تۆفیق: نووسه‌رو ڕووناكبیرو هاوكاری مامۆستا له راگه‌یاندنی بزووتنه‌وه‌ی ئیسلامیی
به‌رله‌وه‌ی وه‌ڵامه‌كانم بده‌مه‌وه ده‌مه‌وێت بڵێم: به‌داخه‌وه ئێمه‌ی كورد زیندوو كوژی مردوو په‌رستین، به‌و مانایه‌ی كه هه‌ركه‌سێك له ئێمه تانه‌مرێت –مه‌گه‌ر به‌ده‌گمه‌ن- ئه‌گینا رێزی لێناگرین و قه‌دریشی وه‌ك پێویست له‌به‌ر چاو ناگرین، هه‌ر لێره‌دا ده‌مه‌وێت وته‌ی نوسه‌رێكی رۆژئاوایی –ناوه‌كه‌یم بیرنه‌ماوه- به‌یاد بهێنمه‌وه كه ده‌بێژێت(پێمخۆشه تا له ژیاندام ، له رۆژنامه‌یه‌كی پله سێ و له یه‌كێك له گۆشه ئیهمالكراوه‌كانی لاپه‌ڕه‌یه‌كی ئیهمالكراودا، نووسه‌رێكی پله شه‌ش، ته‌نها چه‌ند دێڕێكم له‌سه‌ر بنووسێت، تا له‌دوای مردنی خۆم، نووسه‌رێكی پله یه‌ك له رۆژنامه‌یه‌كی پله یه‌كدا و له مانشێتی سه‌ره‌كیدا ناوم بێنێت و دواتر زۆرم له‌سه‌ر بگوترێت).. به‌باسكردنی ئه‌و دوو نموونه بچكۆله‌یه‌وه ده‌مه‌وێت له ده‌رگای پرسیاره‌كانی گۆڤارو سایته‌كه‌تان بده‌م.
- ناسینی من بۆ مامۆستا مه‌لا ئه‌حمه‌د ده‌گه‌ڕێته‌وه بۆ ناوه‌راستی هه‌شتاكانی سه‌ده‌ی رابوردوو، له‌كاتێكدا ئێمه له هه‌ڕه‌تی لاویماندا بووین و تازه به‌تازه ده‌ستمان لاپه‌ڕه‌ی كتێبی ده‌گرت و چاومان له سه‌ر دێڕه‌كانی وه‌ك كه‌نه‌سمه‌یه‌كی تینوو ده‌نیشته‌وه، زایه‌ڵه‌ی ده‌نگی چه‌ند نووسه‌رێكی غه‌ریب له گوێی كاروانییه‌كاندا ده‌زرنگایه‌وه، ئه‌گه‌ر مامۆستا حبیب محمد سعید شاره‌زای كردین به ژیانی هاوه‌ڵانی پێغه‌مبه‌ر و مه‌لا موحه‌مه‌دی شاره‌زووریش فێری ئه‌وه‌ی كردین كه چۆن بتوانین تێبگه‌ین و قووڵ ببینه‌وه، ئه‌وا مامۆستا مه‌لا ئه‌حمه‌دی كاكه مه‌حموود ده‌ستی بۆ چه‌ند ته‌وه‌رێكی بنچینه‌یی برد و بۆ هه‌ر یه‌كه‌شیانی به ته‌رازوویه‌كی شه‌رعی هه‌ڵیده‌سه‌نگاند، سه‌ربه‌ستی، دادپه‌روه‌ری، خواپه‌رستی، ئازادی له ئیسلامدا و هه‌ندێك ته‌وه‌ره‌ی تری له‌و جۆره پێویستی سه‌رده‌م بوون و گه‌نجی وه‌ك ئێمه‌ی تینووی خوێندنه‌وه ده‌كرد، كاكه مه‌حموود ده‌رگایه‌كی ئه‌وتۆی به رووماندا كرده‌وه كه نووسه‌ره‌كانی پێش ئه‌و له‌و ده‌رگایان نه‌دابوو، هه‌ربۆیه مامۆستا له‌و كاتانه‌وه به‌و كتێبانه‌وه ناسرا، له بیرمه جارێكیان هاته ماڵه خزمێكیان له‌گه‌ڕه‌كی ئێمه له شاری سیدصادق و له دوای نوێژی مه‌غریبه‌وه له نێو گه‌نجه‌كاندا مایه‌وه‌و هه‌ندێك قسه‌ی كرد كه زۆرمان پێخۆش بوو، راستی ئه‌و پیاوه ئه‌وه‌نده‌ی وه‌ك نووسه‌ر كه‌وته به‌رچاوانم، تا هه‌نووكه‌ش نه وه‌ك مه‌لایه‌كی ئاسایی و نه‌وه‌ك سیاسه‌تمه‌دارێكی بێبه‌ندوو باو نه‌مناسی.
له نێو بزافی ئیسلامیدا هه‌ڵه‌یه‌كی گه‌وره هه‌یه –به‌بڕوای من- كاتی خۆی حه‌زره‌تی عومه‌ری كوڕی خه‌تاب كاری تێداكردوو بناغه‌ی راستكردنه‌وه‌كه‌ی دامه‌زراند، به‌ڵام به داخه‌وه تاهه‌نووكه‌ش خه‌ڵكانێك ده‌یانه‌وێت هه‌ر له‌سه‌ر ئه‌و سیسته‌مه بڕۆن، كه كۆكردنه‌وه‌ی سیفه‌ته‌كانی خه‌لیفایه‌تی ئه‌بووبه‌كری صدیقه له هه‌ر كه‌سێكی ئیسلامیدا، به‌و مانایه‌ی كه ده‌بێت كه‌سی موسڵمان فریای هه‌موو شته‌كان بكه‌وێت و گرد سیفه‌ته‌كانی سه‌ركردایه‌تی كردنی تێدابێت، به‌ڵام كاتێك حه‌زره‌تی عومه‌ر ده‌ركی مه‌ترسیداری بابه‌ته‌كه ده‌كات سه‌رجه‌م ده‌سه‌ڵاته‌كانی خه‌لیفه به‌خۆی ره‌وا نابینێت و دابه‌شی ده‌كات به‌سه‌ر چه‌ند كه‌سێكدا، بۆ نموونه: دارایی و پۆلیس و دادوه‌ری و پێشنوێژی و سه‌ركردایه‌تی سوپا و پاسه‌وانی-پۆلیس- هه‌ریه‌كه‌یان ده‌داته ده‌ست كه‌سێكی شیاو له‌و بواره‌دا، كاتێكیش لێی ده‌پرسن ده‌بێژێت: ئه‌گه‌ر ئه‌بووبه‌كر خه‌لیفه‌ی پێغه‌مبه‌ر بوو ئه‌وا من ده‌بمه خه‌لیفه‌ی خه‌لیفه‌ی پێغه‌مبه‌ری خودا، دوای منیش ئه‌و نازناو و سیفه‌ته ده‌گوازرێته‌وه، هه‌ر بۆیه به‌باشی ده‌زانم خۆم ناوبنێم، ئه‌میره‌لموئمینین... ئه‌گه‌ر ئه‌سڵی وت و وێژه‌كه‌م وه‌ك خۆی نه‌گواستبێته‌وه داوای لێبوردن ده‌كه‌م چوونكه سه‌رچاوه‌كانم لانه‌مابوو، به‌ڵام ئه‌و رووداوانه ئه‌وه‌نده به‌ناوبانگن كه‌له‌و بڕوایه‌دام سه‌رچاوه‌یان نه‌وێت.
هه‌ربۆیه ده‌مه‌وێت لێره‌دا ئه‌وه بڵێم – كه یه‌ك دووجاریش به مامۆستا خۆیم گوتووه، ئه‌ڵبه‌ته له بۆنه‌ی جیاوازدا و له كاتی گفتوگۆكردنی تایبه‌تیماندا- كه ئه‌گه‌ر مامۆستا له‌به‌ر سته‌م و ناله‌بارییه‌كانی رژێم هه‌ڵات و رووی له وڵاتی غه‌ریبایه‌تی كرد، ده‌بوو له نێو تایبه‌تمه‌ندی خۆی و خولیای خۆیدا بجوڵایه‌ته‌وه‌و خۆی له قه‌ره‌ی هه‌ندێك بابه‌ت نه‌دایه كه هه‌ندێكجار زیانی لێداوه نه‌ك قازانجی پێگه‌یاندبێت، بریا مامۆستا له خوێنه‌رانی خۆی دانه‌بڕایه‌و خواسته‌كانی ئه‌وانی بخستایه‌ته سه‌ر لاپه‌ڕه‌كان و له‌و بواره‌دا مێژووی ژیانی خۆی تۆماربكردایه- كه ئه‌گه‌ر راستم گوتبێت له كۆتاییه‌كانی ژیانیدا گه‌ڕایه‌وه سه‌ر ئه‌و ته‌وه‌ره‌یه‌و به‌رده‌وام له نێو نوسین و خوێندنه‌وه‌و ساغكردنه‌وه‌ی بابه‌ته زانستی و ته‌فسیریه‌كاندا بوو-، مامۆستا له‌بری ئه‌وه‌ی چه‌كێكی هه‌ڵده‌گرت و باره‌گاو باره‌گا پێشمه‌رگه‌كانی بزووتنه‌وه‌ی ئیسلامی به‌سه‌رده‌كرده‌وه، بریا پێنووسه‌كه‌ی به‌ده‌سته‌وه بگرتایه‌و( فیقهی جیهاد و قیتال و چۆنیه‌تی موسامه‌حه‌و پێكه‌وه ژیان و دار الحرب و دار الایمان) و باسه‌كانی تری په‌یوه‌ندیدار به‌ره‌وتی بزووتنه‌وه‌ی ئیسلامییه‌وه شرۆڤه بكردایه، ئاخر كاتێك ئه‌و و ئه‌مسالی ئه‌و سه‌نگه‌ری قه‌ڵه‌میان چۆڵكرد و وه‌ك هه‌ر موجاهیدێكی تر كڵاشینكۆفێكیان كرده شان و ده‌مانچه‌یه‌كیان كرد به لاقه‌د دا، ئیتر سه‌نگه‌ره‌كه چۆڵكرا بۆ كۆمه‌ڵه خه‌ڵكێكی كاڵفام وتیانه‌وه‌ستاو .. خه‌ڵكانێك كه ده‌ربایستی خۆێن و ماڵ و منداڵ و سامانی كه‌س نه‌بوون، ئه‌وان به‌رله‌وه‌ی له مه‌قاصیدی شه‌ریعه‌ت تێبگه‌ن به فیقهی سه‌رده‌مه كۆنه‌كان خه‌ڵكیان دادگایی ده‌كرد و له‌بری ئه‌وه‌ی -رحمه للعلمین- بن، بوونه زه‌حمه‌تی بێڕه‌حمه‌ت، هه‌ر بۆیه لێره‌دا من نابێژم ئه‌و نه‌ده‌بوو وایبكردایه چوونكه ده‌زانم كه له‌سه‌ر ئه‌و بابه‌تانه له‌دوای مردنی خۆی- سوودێكی ئه‌وتۆی نییه- به‌ڵام ته‌نها ئه‌وانه بۆ ئه‌وه به‌یاد ده‌هێنمه‌وه كه ئه‌وانه‌ی تر سوودی لێوه‌ربگرن، به تایبه‌تی له كاتێكدا كه دونیای ئه‌مڕۆ دونیای تایبه‌تمه‌ندییه‌و هه‌ركه‌سه‌ش ناتوانێت له‌هه‌موو بابه‌ته‌كاندا ببێته پسپۆڕ.هه‌ر بابه‌تێكی بۆ هاته پێش ئه‌سپی خۆیی تێدا تاو بدات، وه‌ك لای هه‌ندێك له سه‌ركرده ئیسلامیه‌كان باوه!!
به‌هه‌رحاڵ مامۆستا له‌به‌ر ئه‌وه‌ی له‌سه‌ر ره‌وتی ئاسایی خۆی كه‌مێك ترازابوو، كه نوسین و دنیای خوێندنه‌وه‌و هه‌ڵسوكه‌وتكردن بوو له‌گه‌ڵ كتێب، هه‌ر بۆیه جاروباریش زلله‌ی میهره‌بانی خودای به‌رده‌كه‌وت، وه‌ك ئه‌و روداوه نه‌خوازراوانه‌ی له نێو ئۆردوگاكانی ئێراندا روویاندا، جاروباریش بیری ده‌كه‌وته‌وه‌و له نێو ئه‌و هه‌موو مه‌شغه‌ڵتانه‌دا كه بۆی دروستكرابوو ده‌هاته‌وه سه‌ر هێڵی خوێندن و خوێندنه‌وه‌و بۆ ئه‌و مه‌به‌سته‌ش من بۆ خۆم چه‌ند جارێك پێشنیاری ئه‌وه‌م بۆ كردووه كه خه‌ریكی كتێب و ده‌فته‌ر بوون خێری زۆرتره بۆ دین و بۆ دونیاش، به‌ڵام هه‌ندێك بارودۆخی تایبه‌تی و گشتی بزووتنه‌وه ئه‌و ده‌رفه‌ته‌یان لێبه‌رته‌سك كردبوه‌وه تا ئه‌م ئه‌خیرانه‌و لاواز بوون و بچووك بوونه‌وه‌ی بزووتنه‌وه‌ی ئیسلامی بوونه زلله‌یه‌كی تری خودایی تا چه‌ندانی وه‌ك مامۆستا بگه‌ڕێنێته‌وه سه‌ری ره‌وتی ئاسایی خۆیان و ئه‌وه‌بوو زۆربه‌ی ژیانی خۆی له نێو كتێب و نوسیندا به‌سه‌ر برد، كه مه‌گه‌ر میوان یان سه‌ردانێكی ئه‌ملاولا ئه‌گینا به‌رده‌وام خه‌ریكی كنه‌كردن و گه‌ڕان و پشكنین بوو، وا ده‌زانم هه‌ر له‌و ماوانه‌شدابوو كه ته‌فسیره‌كه‌ی بكه‌وێته نێو كتێبخانه‌ی كوردی، كه خولیای چه‌ندین ساڵه‌ی ئه‌و بوو...كه‌چی سه‌دان كه‌س له دوای ئه‌و ده‌ستیانپێكردو به‌سه‌دان فرسه‌خ له بواری نوسین و بڵاوكردنه‌وه‌ی بابه‌ته‌كانیانه‌وه كه‌وتنه پێشی مامۆستاوه. ئه‌ڵبه‌ته من ناتوانم بڕیاری ئه‌وه بده‌م كه باشتریان كردووه یان نا..
هه‌بوونی زانای ئیسلامی شاره‌زا نه‌ك هه‌ر له‌نێو بزاڤی ئیسلامیدا، به‌ڵكو له كۆمه‌ڵگه‌یه‌كی ئاینی وه‌ك كوردستاندا پێویستییه‌كی گه‌وره‌یه، ئه‌گه‌ر كۆمه‌ڵگه و ره‌وتی گه‌شه‌كردنی كۆمه‌ڵگه به كه‌شتییه‌ك بچوێنین، ئه‌وا ده‌بێت بگوترێت زانایانی ئیسلامی شاره‌زا و به ئه‌زموون به‌وه‌فا بۆ نه‌ته‌وه‌و نیشتمان و ئاین په‌روه‌ر زۆر پێویستن و وه‌ك كه‌شتیوان وه‌هان.. به‌ڵام دووباره ده‌مه‌وێت بچمه‌وه بۆ باسكردنه‌وه‌ی تایبه‌تمه‌ندییه‌كه‌و ببیژم مامۆستا مه‌لائه‌حمه‌د ئه‌گه‌ر له‌بواری خۆی نه‌ترازایه‌و له بری ده‌مانچه‌كه‌ی پێنووسه‌كه‌ی هه‌ڵگرتایه‌ته‌وه بێگومان خزمه‌تی زۆرتری ده‌كردو به‌بڕوای من –به ئه‌وو چه‌ندانی تری وه‌ك ئه‌و- ده‌كرا كوردیش وه‌ك هه‌ر نه‌ته‌وه‌یه‌كی تری ئیسلامیی ناوچه‌كه خوێندنه‌وه‌یه‌كی تری كوردانه‌یان بۆ ئیسلام بكردایه‌و و ته‌فسیری كوردانه‌ی ئایه‌ت و فه‌رمووده‌و روداوه مێژووییه‌كانیان بكردایه، له لایه‌كی تریشه‌وه ئێمه‌ی خوێنه‌وارانی كورد رزگارمان ده‌بوو له‌و هه‌موو فتوا جۆراوجۆرانه‌ی كه له عه‌ره‌به‌كان و فارس و توركه‌كانه‌وه بۆمان دێن و هێشتا بۆنی ره‌گه‌ز په‌رستییان لێوه دێت، ده‌كرا به‌م جۆره خه‌بات و تێكۆشانه‌كانی درێژه پێبدایه‌و مه‌جالیان بۆ –ئه‌بو فڵان- و –شێخ فڵان- ی ئه‌ملاولا نه‌كردایه‌ته‌وه هه‌ر له دووره‌وه فه‌توای جۆراوجۆرمان له سه‌ر ده‌ربكه‌ن و ئێمه‌ش هه‌ر به –مخرب- و-عاصی- و كێوی بزانن و خۆشیان به موسڵمانی عه‌یاره 24.
ئاخر ئه‌وه بێده‌نگی زاناكانی ئێمه بوون ئه‌وان جورئه‌تی قسه‌كردنی و فتوا له‌سه‌ردانی ئێمه‌یان گرتۆته ئه‌ستۆ!! ئه‌وه‌ی جێگه‌ی داخه نه‌بوونی پیاوی شیاو له جێگه‌ی شیاودا زۆر جاران ئه‌و جۆره پیاوانه‌ی ناچار به‌وه‌كردووه كه بچنه هه‌ندێك شوێن و له به‌رامبه‌ر هه‌ندێك كه‌سدا دابنیشن كه هه‌ق وانییه، كه ده‌بوو ئه‌و كه‌سانه له به‌رده‌م حوجره‌كه‌یاندا بوه‌ستانایه‌و ده‌سته‌وه نه‌زه‌ر له چاوه‌ڕوانی فه‌توایه‌كی ئه‌ماندا بوونایه.. به‌س ده‌ڵێی چی..!!
لێره‌دا جێگه‌ی خۆیه‌تی یه‌كێك له یاداوه‌رییه‌كانم له‌گه‌ڵ ئه‌و نووسه‌ره به‌ڕێزه‌دا به یاد بهێنمه‌وه كه پێموایه خه‌ڵكانێكی كه‌م ئاگادارن و له‌وانه‌شه ئه‌وانیش به‌بیریان نه‌یه‌ته‌وه... له‌رۆژی 31/ئاب/1996 دا له باره‌گای مه‌كته‌بی راگه‌یاندنی بزووتنه‌وه‌ی ئیسلامی له –هه‌ڵه‌بجه- خه‌ریكی تاووتوێی سیاسه‌تی راگه‌یاندنی ئه‌و رۆژانه بووین كه ده‌بێت چی بڵێین و چۆن هه‌ڵسوكه‌وت له‌گه‌ڵ ئه‌و رووداوه‌دا بكه‌ین، له‌ناكاو و به‌بێ مه‌وعیدی پێشینه هه‌ندێك فه‌رمانده‌ی سه‌ربازیی ئه‌وسای بزووتنه‌وه مۆڵه‌تیان خواست كه مامۆستا مه‌لا ئه‌حمه‌د ببینن، مامۆستاش فه‌رمووی لێكردن و دوای ئه‌وه‌ی كه ویستیان دانیشتنه‌كه نهێنی بێت به‌ڵام مامۆستا وتی ئه‌وانه‌ی كه دانیشتوون ئه‌ندامانی مه‌كته‌بی راگه‌یاندنن و نامه‌وێت شتێكیان لێبشارمه‌وه به تایبه‌تی كه من لێپرسراویانم، به‌هه‌ر حاڵ ئه‌وان كه‌وتنه قسه‌كردن و گوتیان: ئێسته كاتی ئه‌وه‌یه كه ئێمه ده‌ستێك له سه‌ركرده‌كانی – یه‌كێتی- بوه‌شێنین، چونكه هه‌موویان له هه‌وڵی ده‌ربازبووندان و به هیچ شێوه‌یه‌ك توانای به‌رگری كردنیان نییه‌و به نهێنی و ئاشكرا ده‌توانین كێمان بوێت له زووترین كاتدا یه‌كلایی بكه‌ینه‌وه... به‌ڵام مامۆستا نه‌یهێشت قسه‌كه‌یان ته‌واو بكه‌ن و یه‌كسه‌ر توڕه بوو، توڕه‌بوونێك كه له‌وه‌وپێش مامۆستام به‌و شێوه تووڕه‌ییه نه‌بینیبوو.. گوتی ئه‌وه‌ی ئێوه باسی ده‌كه‌ن پێچه‌وانه‌ی ده‌قه شه‌رعیه‌كان و سیاسه‌تی شه‌رعییه، موناقه‌شه‌ی زۆری بابه‌ته‌كه‌یان كرد و مامۆستاش تا ده‌هات تووڕه‌تر ده‌بوو، تا كار گه‌یشته ئه‌وه‌ی كه مامۆستا گوتی ئه‌وه رای ئێمه‌یه هه‌ركه‌سیش هه‌ر كارێكی پێچه‌وانه‌ی ئه‌مه بكات نه‌ك هه‌ر به‌رگری لێناكه‌ین به‌ڵكو ته‌سلیم و راده‌ستی به‌رامبه‌ریشی ده‌كه‌ینه‌وه، ئێمه ناتوانین به‌رگری له كه‌سانێك بكه‌ین كه به قسه‌مان نه‌كه‌ن... هه‌ر بۆیه هه‌وڵی ئه‌و براده‌رانه پووچكرایه‌وه كه ئه‌گه‌ر جێبه‌جێ بكرایه كۆمه‌ڵێك خوێنی زۆرتر ده‌رژاو ژماره‌ی كاره‌ساته‌كان زیاتریان ده‌كرد...بڕوام وایه هه‌ڵوێستی له‌و شێوانه بۆ مامۆستا گه‌وره‌یی و شاره‌زایی و دڵسۆزیی و خۆشه‌ویستی نه‌ته‌وه‌و نیشتیمان و پابه‌ندی وه‌عد و هاوپه‌یمانی یه، هه‌ر هیچ نه‌بێت كه‌سایه‌تی گه‌وره‌ی ئه‌و نیشان ده‌دات كه نه‌یهێشت ئه‌و كه‌سانه هه‌نگاوی هه‌ڵه هه‌ڵبگرن ...
په‌یامی ئێمه بۆ هه‌واداران و لایه‌نگرانی بیروباوه‌ڕه‌كانی مامۆستا ئه‌وه‌یه كه ڕێگه‌ی ئه‌و پیاوه هه‌ڵه نه‌كه‌ن و رێچكه‌كه‌ی نه‌هێڵن كاڵ ببێته‌وه، ئه‌وه‌ی ئه‌و بناغه‌كه‌ی داناوه ئه‌مان بینایه‌كه‌ی بكه‌ن، گرنگترینیان دۆزینه‌وه‌ی پاڵپشته شه‌رعییه‌كانه بۆ چه‌مك و قه‌یران و كێشه‌كانی سه‌رده‌م، سه‌رده‌میانه بژین و سه‌رده‌میانه‌ش فه‌توا بده‌ن و سه‌رده‌میانه‌ش له‌گه‌ڵ گۆڕانكارییه‌كاندا بن، وه تكام وایه ئه‌وانه‌ی كه پێیان وایه مامۆستا هه‌ڵه‌یه‌كی كردووه- وه‌ك مرۆڤێك- ئه‌مان دووباره‌ی نه‌كه‌نه‌وه‌و باری سه‌رشانیشی قورس نه‌كه‌ن.. ئه‌و پیاوه به گه‌وره‌یی و نه‌رمونیانی و میانڕه‌وی ژیا و هه‌ر به‌و شێوه‌یه‌ش سه‌ری نایه‌وه، گۆڕی پڕنوور، به‌و هیوایه‌م منداڵه‌كانی جێگه‌كه‌ی به چۆڵی نه‌هێڵنه‌وه و به شێوه‌یه‌ك پڕی بكه‌نه‌وه كه له شان و شكۆی كه‌م نه‌كه‌نه‌وه... هه‌رچۆنێك بێت ئه‌و مرۆڤێك بوو ئیراده‌ی چاكه خوازیی زۆر بوو ئه‌گه‌ر له بواری جێبه‌جێكردنیشدا 100% بۆی جێبه‌جێنه‌كرا، ئه‌وا ده‌كرێ بگوترێت ئه‌وه‌ی پێكرا كه كردی، خودا چاكه‌كانی قبوڵ كردبێت و له خراپیه‌كانیشی ببورێت....
بەروار2020/03/30سەردان 561
دیداری به‌رێز مامۆستا شێخ محمد به‌رزنجی دیداری به‌رێز مامۆستا شێخ صدیق عبدالعزيز دیداری به‌رێز مامۆستا صلاح الدین محمد دیداری به‌رێز مامۆستا محه‌ممه‌د عومه‌ر دیداری به‌رێز مامۆستا عه‌لی باپیر دیمانه‌ی به‌رێز مامۆستا محمد بازیانی دیداری یەكەمی به‌رێز مامۆستا كرێكار دیداری به‌رێز كاك فازیل به‌شاره‌تی دیداری به‌رێز كاك كامیل محمود دیداری به‌رێز كاك عبدالرحمن عبدالرحیم دیداری به‌رێز كاك موشیر گه‌ڵاڵیی وته‌ی به‌رێز مامۆستا ئیبراهیم مه‌ردوخی دیداری به‌رێز مامۆستا ئیكرام كه‌ریم دیداری به‌رێز مامۆستا مه‌لا به‌شیر خه‌لیه‌ل حه‌داد دیداری به‌رێز دكتۆر خالد ساڵح محه‌مه‌د
