ژن بەر لە نوستن تەڵاق بدرێت، نیوەى مارەیى دەبا.!

ژن بەر لە نوستن تەڵاق بدرێت، نیوەى مارەیى دەبا.!

1- ژنێکى مارەیى دیاریی بۆ کراوو تەڵاق دراوى پێش لەگەڵ نوستووو، نیوەى مارەییەکەى دەکەوێ، مەگەر ژنەکە خۆى لێی دابەزێ و نەیەوێ ، هەر وەک پیاوەکەش بە ڕەزامەندى خۆى دەتوانێ دەس لە نیوەکەى خۆى هەڵبگرێ و بیبەخشآ بەژنەکە.

2- هێشتنەوەى ئاکارى چاک و پیاوەتی لە نێوان هەردوو خێزانەکەدا (کەس و کارى ژنە تەڵاق دراوەکەو، پیاوە تەڵاق دەرەکە) کارێکى پێویستە. بە کورتیى و پوختە: بۆ ژنانى تەڵاقدراو چوار حاڵەت هەیە: یەکەم: لەگەڵ نەنووستوو مارەیی دیاریی بۆ نەکراو، ئەم جۆرەیان (موتعە)یان دەکەوێ و، عیدەیان لەسەر نیە، دووەم: ژنێک بەر لە دەست تێکەڵکردن لەگەڵیاو، دواى دیاریکردنى مارەیى بۆى، تەڵاق بدرێ، نیوەى مارەییەکەى دەبا (مەگەر مێردەکەى ئەو نیوەکەشى بۆ زیاد بکا) عیددەشى لەسەر نیە، سێیەم: تەڵاق دراویى لەگەڵ نوستووو، مارە بۆ دیارییکراو، هەموو مارەییەکەى دەباو، عیدەشى دەکەوێتە سەر. چوارەم: تەڵاقدراویى لەگەڵ جووت بووى بێ مارەیى، دیارە ئەمەش (مهر المثل) ى دەکەوێ و، دەبێ عیدەش رابگرێ.


ئەحمەد كاكە مەحموود


بەروار2020/03/30سەردان 440