ڕوونکردنەوەیەک سەبارەت بە حاڵى مورتەد.؟

ئیمامی (مالیک) و ئیمامی (ئەبی حەنیفە) دەڵێن: هەرکەسێ بە کافریی، وەیا بە (مورتەدی) مرد، هەرچى کاروکردەوەى چاکیشى هەبێ بەفیڕۆ دەڕواو باتڵ دەبێ، وە هەروەها ئیمامی (شافیعی) و بگرە کۆی زانایانیش دەڵێن: تەنانەت ئەگەر تەوبەش بکا پاش لە دین وەرگەڕانەکەیى و موسوڵمان بێتەوە دەبێ هەموو کارەچاکەکانی بکاتەوەو قەزایان بکاتەوە، بۆنموونە: ئەگەر حەجی کردبێ، دەبێ ئێستا دووبارەی بیکاتەوە، بەڵام ئیمامی (شافیعی) بەتەنها خۆى دەڵێ: گێڕانەوەو کردنەوەیان ناوێ. لە نێو زاناکاندا کێشەیەک هەیە: ئایا مرۆیەکى لە دین وەرگەڕاوەو (مورتەد) دەس بەجێ دەکوژرێ، یا مۆڵەت دەدرآ، ئەگەر موسڵمان نەبوویەوە ئەوسا دەکوژرێ؟ جەماوەری زانایان دەڵێن: داوای تەوبەی لێ دەکرێ، جا ئەگەر هەر سوور بوو لەسەر کوفرەکەی ئەوا دەکوژرێ، بەڵام پێشەوا (مالیک) دەڵێ: ئەگەر کەسێ جوێنی بە پێغەمبەر بدا، ئەوە دەس بەجێ بێ ئەوەی داوای تەوبەی لێبکرێ دەکوژرێ. دیارە هەموو خاوەن ڕایەکانیش بەڵگەی خۆیانیان هەیە.

والله اعلم.

ئەحمەد كاكە مەحموود