دیداری‌ به‌رێز كاك محمدی‌ حاج مه‌حموود
دیداری‌ به‌رێز كاك محمدی‌ حاج مه‌حموود

دیداری‌ به‌رێز كاك محمدی‌ حاج مه‌حموود
- سه‌ره‌تای‌ ناسینی‌ مامۆستا مه‌لا ئه‌حمه‌د كاكه‌ مه‌حموود له‌ ڕێگای‌ باوكمه‌وه‌ ده‌گه‌ڕێته‌وه‌ بۆ ساڵی‌ 1963 ، به‌ڵام له‌ ناوه‌راستی‌  1970 كاندا په‌یوه‌ندیه‌كی‌ دۆستانه‌ی‌ زیاترو له‌ 1980 كاندا چووه‌ قۆناغێكی‌ زۆر نزیكه‌وه‌ .
2- مامۆستا مه‌لا ئه‌حمه‌د پیاوێكی‌ ئایینی شاره‌زا بوو، له‌ بواری‌  نوسین و شیكردنه‌وه‌و زمانی‌ خه‌ڵكیی‌ و كۆمه‌لاَیه‌تی‌، وه‌ ناسراوی‌ ناوچه‌كه‌ بوو، له‌ بواری‌ جیهادو خزمه‌تی‌ به‌گه‌ل و ئیسلام و نیشتیمان سیفاتی‌ له‌یه‌ك دانه‌براوی‌ مامۆستا بوو . مامۆستاش چووه‌ته‌ ده‌ره‌وه‌ له‌ دژی‌ ڕژێمی‌ به‌عس، له‌ كاتی‌ خه‌باتی‌ چه‌كداریشدا پیاوێكی‌ هێمن و له‌سه‌ر خۆو تێكۆشه‌رێكی‌ ماندوو نه‌ناسی‌ دژی‌ ڕژێمی‌ به‌عس بوو.
3/ مامۆستا دوای‌ ڕاپه‌رین و چوونه‌ ناو جه‌ماوه‌ری‌ كوردستان،پانتاییه‌كی‌ زۆری‌ كۆكرده‌وه‌ له‌ بواری‌ كۆمه‌ڵایه‌تیی‌ و سیاسیی‌ و سه‌ربازی‌، له‌ چاره‌سه‌ری‌ كێشه‌كانی‌ كوردستان و به‌ده‌مه‌وه‌ بوونی‌ ڕوداوه‌كان، ده‌ورێكی‌ دیارو ئاشكرای‌ هه‌بوو، من له‌ چاره‌سه‌ری‌ چه‌ندین كێشه‌و ناكۆكی‌ ناو خه‌ڵكدا بووم كه‌ مامۆستا چاره‌سه‌ری‌ كردووه‌و هه‌وڵه‌كانیشی‌ به‌رده‌وام بووه‌ له‌ بواری‌ ئاشتیی‌ و كێشه‌ كانی‌ ناوخۆدا.
4/ وه‌ كو له‌ خاڵی‌ پێشوو دا باسم كرد مامۆستا مه‌لا ئه‌حمه‌د پیاوێك بوو له‌ بواری‌ سیاسیی‌ و رۆشنبیریی‌ و ئیسلامیی‌ و نوسین، شاره‌زایه‌كی‌ سه‌رده‌می‌ خۆی‌ بوو، پێشمه‌رگه‌ بوو، واته‌: بیرو هۆشی‌ ئیسلامیی‌ و قه‌ڵه‌می‌ ڕۆشنبیری‌ ئیسلامیی‌ و چه‌كی‌ به‌رگریی‌ و پیاوێكی‌ كۆمه‌ڵایه‌تی‌، ئه‌وانه‌ نیشانه‌ی‌ مامۆستا ملا ئه‌حمه‌د بوون.
5 / به‌ دڵنیاییه‌وه‌ پیاوێكی‌ ته‌كامل بوو له‌هه‌موو بواره‌كاندا،  له‌ده‌ست دانی‌ كه‌لێنێكی گه‌وره‌ی بۆمیلله‌ته‌كه‌یی‌ و ئه‌وچین و توێژه‌ به‌جێهێشت كه‌ خزمه‌تێكی‌ زۆری‌ له‌و بواره‌دا كرد، كه‌ ئاسان نییه‌ ئه‌وجۆره‌ پیاوانه‌ به‌ئاسانی‌ جێگایان پڕ بكرێته‌وه‌ .
6/ مامۆستا جگه‌ له‌وه‌ی‌ پیاوێكی‌ سیاسیی‌ و رۆشنبیریی‌ و ئاینیی‌ و كۆمه‌ڵایه‌تیی‌  بوو، به‌ ته‌نها كتێبه‌كانی شاهیدێكی‌ گه‌وره‌ن له‌و بواره‌دا، وه‌ له‌ دوای‌ خۆیشی‌ خزمه‌تی‌ ڕێبازه‌كه‌ی‌ ده‌كات.
7/ هیوادارین مامۆستا وه‌ك ئه‌وه‌ی‌ كه‌پیاوێكی‌ هه‌ڵكه‌وتووی‌ ناوچه‌كه‌و بزووتنه‌وه‌ی‌ ئیسلامیی‌ و ڕابوونی ئیسلامیی‌ بوو، قوتابیانی‌ له‌سه‌ر ئه‌و نه‌هج و ڕیبازه‌ی‌ به‌رده‌وام بن  بۆ گه‌یاندنی‌ ئه‌و ڕێگایه‌ی‌ كه‌خه‌باتی‌ بۆ كردووه‌ .
له‌گه‌ڵ  سڵاوو ڕێز بۆ گیانی‌ پاكی‌ مامۆستاو ئێوه‌ش سه‌لامه‌ت و سه‌ركه‌وتووبن.
                               محمد حاجی محموود
                                26  / 1 / 2009
بەروار2020/03/30سەردان 199