ئایا ڕەنگ و بۆیەکردنی (پێڵو)ی چاوو سەرو ژێری چاوو سورکردنی کوڵم  و لێو، دروستە.؟

وەڵام: ئەمانە هەرچەند هەندێ لە زاناکان دەڵێن: گۆڕانکارییە لە دروستکراوەکانی خودادا، بەڵام بۆ ژنانی مێردار، ڕێ هەیە، بەمەرجێ بەمەبەستی خۆ ئاراییشدان بێت بۆ مێردەکەی و خۆشەویستی  و دلۆڤانی زیاد بکات لای.
سوورکردنی نینۆکی دەست، بەخەنە یان بەو ماددانە تازە داهاتوون، حەڵاڵە، مەگەر بۆ مەسەلەی دەستنوێژ و خۆشۆرین گرفت دروست بکات، بەڵام درێژکردنی نینۆک – بێ هۆی شەرعیی بۆ پیاوو ژن – پێچەوانەی سوننەتی پێغەمبەرە ﷺ. دیسانیش ئەمڕۆ پتر بۆتە داب و نەریتی خۆرئاواییەکان، هیوادارم نەکەوێتە شوێنی ئەو کەسانە لە خودا بێ خەبەرن و هیچ هەواڵێکیان لەقەبرو قیامەت نییە. 


والله أعلم.

ئەحمەد كاكە مەحموود