ئایا پەیوەستکردنی قژ بە قژەوە دروستە.؟

وەڵام: لکاندن و پەیوەستکردنی قژ بە قژەوە بە مەبەستی خۆ جوانکردن و زۆر کردنیان، کارێکی حەرام و قەدەغەیە، چونکە:

یەکەم: بوخاریی و موسلیم لە ئەبوو هورەیرەوە دەگێڕنەوە کە پێغەمبەر ﷺ – فەرمووى: ((لعن الله الواصلة والمستوصلة، والواشمة والمستوشمة)).(صحيح البخاري - كتاب اللباس، باب الوصل في الشعر - حديث : ‏5595) واتە: نەفرینی خودا لەو ژنانە بێت کە: قژ دەلکێنن بە قژی خۆیانەوە، یا بە قژی ژنانی ترەوە، وە لە قژ بۆ لکێنراوەکەش نەفرین بێ، وە لە ژنانی خالأکوت و خالأ بۆ کوتراویش بێت.

دووەم: خاتوو عائیشە دەڵێت: کچۆڵەیەکی (ئەنصاریی) مێردی کرد، پاشان نەخۆشکەوت و قژی سەری هەڵوەری، ئەوجا ویستیان بە قژی ژنانی تر بۆی پەیوەست بکەنەوە، جا بۆ حوکمى ئەوە لە پێغەمبەریان ﷺ پرسی، ئەویش فەرمووی: ((لعن الله الواصلة والمستوصلة))، کەوابوو لکاندنی قژی ژنانی تر بە قژەوە، حەرام و ڕێ لێ گیراوە، بۆیە پێغەمبەر ﷺ بەو شێوەیە نەفرینی لەهەردوولا کرد.

لکاندنی (موو) بە (موو)ەوە، ئەوە حوکمەکەی بوو، بێ جیاوازی لە نێوان ژن و پیاودا، بەڵام ئەگەر دەزوو و بەکرەو خوریی و ئاوریشمی لکاند بە قژیەوە، بە مەبەستی جوانی و خۆجوانرکردن بۆ مێردەکەی – نەک بۆ چەواشەو تەدلیس، ئەوە وەکو (قاضي عياضى مالكي) دەڵێت قەیدی نییە.

ئەو قژانە کە حەرامە لکاندنیان بەقژەوە، قژی (صەناعیی) و دەستکردیش دەگرێتەوە، چونکە چەواشەکاریی  و (تەدلیس)ەکە بەمانیش دەکرێ، ئیمامی (نەوەوی) لە ڕاڤەی فەرموودەى ((..صنفان من أهل النار..)). (صحيح مسلم، كتاب اللباس والزينة، باب النساء الكاسيات العاريات المائلات المميلات، حديث : ‏4065) ئەوەش وا دەبێ کە بە پەڕوو عیمامە و هەر شتێکی دی دەیکەن، کەوابوو دەسکاری سەروسیمای ژنان – بەدەر بۆ مێردی خۆیان، چەواشەکاری و تەدلیسە – بۆیە ئەگەر بەپەڕۆ، بەلۆکە، بەخوریی..هتد، بکرێ و سەری خۆی لە دواوە گەورەبکا هەر حەرام و یاساغە.

والله أعلم.

ئەحمەد كاكە مەحموود