(وَلَا تَقْتُلُوا أَوْلَادَكُمْ خَشْيَةَ إِمْلَاقٍ) زارۆڵەو مناڵى خۆتان لە ترسى هەژاریى مەکوژن (نَرْزُقُهُمْ وَإِيَّاكُمْ) چونکە ئێمەین رزق و رۆزى ئەوان و ئێوەیش دەدەین. پشوویەک: ئەگەر سەرنجێکى ورد لە ڕەوانبێژیی قورئان و وردەکاریەکانى بدەیت، باشتر بڕواى پێدێنى، چونکە هەر بۆ نموونە لەم سوورەتەى (ئيسراء)دا دەفەرموێ: (نحن نرزقهم وإياكم) رۆزى منداڵەکان پێش دەخا بەسەر رزقى باوکاندا، کەچى لەسوورەتى (ئەنعام)دا رزقى باوکان پێش دەخات: (نحن نرزقكم وإياهم) راڤەکارانى قورئان دەڵێن: حیکمەت لەمەدا خوایش چاکتر دەزانێ ئەوەیە کە لەم سوورەتەدا کوشتنى منداڵەکان لەبەر هەژاریى و لێنەهاتوویانە بۆ نان پەیدا کردن، بەڵام لە سوورەتى (ئەنعام)دا کوشتنەکەیان بەبۆنەى هەژاریى باوکانەوەیە.


 والله أعلم.

ئەحمەد كاكە مەحموود