(إِنِّي جَاعِلٌ فِي الْأَرْضِ خَلِيفَةً) بەڕاستیى من دەمەوێ جێنشینێک لە زەوییدا بۆ ئاوەدانکردنەوەى زەویى دابنێم.، زانایانى تەفسیر بۆ دیاریکردنى ئەو (خەلیفە)یە دوو ڕاو بۆچوونی جیاوازیان هەیە: یەکێ دەڵێ: ئەو خەلیفەیە (ئادەم) پێغەمبەرەو ﷺ، خواى میهرەبان کردوویەتى بە جێنشینى خۆى بۆ جێبەجێکردنى فەرمان و بڕیارەکانى خۆى، یەکێکى دى پیێوایە ئەو خەلیفەیە هەم ئادەم و، هەم نەوەکانیەتى، بەدرێژایى رۆژگار دەبنە جێنشینى یەکتر. ئیمامى (تەبەریى) یش دەڵێ: مەبەست بەو جێنشینە (خلیفە)یە ئەو گەلانەن کە یەک لەدواى یەک دێن و دەچن، لەوەش دەچێ هەر ئەمە لەگەڵ رۆحى قورئاندا گونجاو تربێت، چونکە کەس ناتوانێ جێنشینى خوابکات.


خوایش باشتر ئەزانێ.

ئەحمەد كاكە مەحموود