(وَقُرُونًا بَيْنَ ذَلِكَ كَثِيرًا) وە خەڵکانى زۆرى خوا نەناسى تریشمان لەو نێوانەدا لەناو برد "کاتێ لە فەرمانەکانمان سەرپێچیان کرد". ئاخۆ (قەرن) چەند ساڵ بێت؟ هەندێ دەڵێن: (120) ساڵە، هەندێ دى دەڵێ: (100) ساڵە، هى وایش هەیە دەڵێ: (40) ساڵەو.. هەروەها. بەڵام قسەى ڕۆشن ئەوەیە بە ئوممەتێکى هاوچەرخ دەوترێ (قەرن)، جا کە ئەوانە ڕۆیشتن، ئیتر دەستەى پاش ئەوان دەبێتە (قەرن)ى دووەم. وە لە فەرموودەیەکى (متفق علیە) داهاتووە: ((خيركم قرني، ثم الذين يلونهم، ثم الذين يلونهم..)). (صحيح البخاري، كتاب الأيمان والنذور، باب إثم من لا يفي بالنذر، حديث : ‏6327‏./ صحيح مسلم، كتاب فضائل الصحابة رضي الله تعالى عنهم، باب فضل الصحابة ثم الذين يلونهم ثم الذين يلونهم، حديث : ‏4707).


والله أعلم.

ئەحمەد كاكە مەحموود