( وَإِن مِّنكُمْ إِلَّا وَارِدُهَا ) ئەى خەڵکینە! ئیللا دەبا هەموو نزیکى ئاگرى دۆزەخ ببنەوەو بەسەر پردەکەى (صیراط)دا تێپەڕن، وە بە تەفسیرێکى تر: دەبێ هەموو بەسەر دۆزەخدا تێپەڕن. (سەلەف) لەماناى (ورود)دا کێشەو جیاوازییان هەیە: (ئیبن عەباس) دەڵێ: بەماناى چوونە ناو دۆزەخەوەیە، واتە: هەردەبێ هەموو بچنە ناو دۆزەخەوە، پاشان هەرکەس بۆ جێى شیاو بەخۆى دەنێردرێ، هەندێ تر دەڵێن: بەماناى نزیکبوونەوەو تێپەڕ بوونە بەسەر ئەو پردەدا لەسەر پشتى دۆزەخدا ئامادەکراوە، (تەبەریى) ئەمەى دووەمى هەڵبژاردووە.

 والله أعلم.

ئەحمەد كاكە مەحموود