دیداری‌ به‌رێز مامۆستا مه‌لا به‌شیر خه‌لیه‌ل حه‌داد

دیداری‌ به‌رێز مامۆستا مه‌لا به‌شیر خه‌لیه‌ل حه‌داد

به‌ناوی‌ خوای‌ گه‌وره‌و میهره‌بان

السلام علیكم ورحمه‌ الله وبركاته ....

1- پێش ڕاپه‌ڕینی‌ ساڵی‌1991 ناو بانگی‌ ماموَستامان بیستبوو، وه‌ك ماموَستایه‌كی‌ ئایینی‌ زیره‌ك و خاوه‌ن په‌یام، كه‌شێوازی‌ بانگه‌وازو شیكردنه‌وه‌ی‌ مه‌سه‌له‌ ئایینییه‌كانی‌ جیاواز بوو له‌گه‌ڵ شێوازی‌ زوَرێك له‌ماموَستایانی‌ ئه‌و سه‌رده‌مه‌، به‌لاَم دوای‌ ڕاپه‌ڕین ماموَستامان ناسی‌ له‌ڕێگه‌ی‌ كوَڕو سیمینارو مه‌جلیسی‌ زانایان كه‌زۆر سوودمه‌ند بووین له‌ڕاو بۆچوونه‌كانی‌  .
له‌ساڵی‌ 1999 قه‌ده‌ر وابوو كه‌به‌یه‌كه‌وه‌ له‌سه‌فه‌ری‌ حه‌ج دابین له‌خزمه‌ت كوَمه‌ڵه‌ ماموَستایه‌كی‌ به‌ڕێزی‌ تر. به‌ڕاستی‌ تام و له‌زه‌تی‌ ئه‌م سه‌فه‌ره‌ تاكو ئێستاش له‌یادمان ناچێت، چونكه‌ له‌م سه‌فه‌ره‌دا زیاتر ماموَستامان ناسی‌، كاتێكی‌ زوَر به‌یه‌كه‌وه‌ گفتوگوَمان ده‌كرد له‌سه‌ر مه‌سه‌له‌ی‌ ئاینیی‌ و نه‌ته‌وه‌یی‌ و ڕوَشنبیری‌. له‌وێ‌ هه‌ستم كرد  كه‌ له‌گه‌ڵ زانایه‌كی‌ گه‌وره‌دام كه‌ له‌ئاستی‌ (مجتهد) دایه‌ .

2- ئه‌م خه‌باته‌ ئاینیی‌ و نیشتمانیه‌ی‌ ماموَستا به‌شێكی‌ گرنگ بوو له‌ژیانی‌ ماموَستاو له‌تێگه‌یشتنی‌ له‌ئایینی‌ پیروَزی‌ ئیسلام، چونكه‌ ماموَستا ئایینی‌ ئیسلامیی‌ به‌ به‌رنامه‌ی‌ ژیان ده‌زانیی‌ و ڕووبه‌ڕووبوونه‌وه‌ی‌ ڕژێمی‌ دیكتاتوَری‌ به‌عس و هه‌موو جوَره‌ زوڵمێكی‌ به‌واجبێكی‌ شه‌رعی‌ ده‌زانی‌ و قه‌ناعه‌تی‌ وابوو كه‌  ماموَستای‌ ئایینی‌ پێویسته‌ پێشه‌نگی‌ ئه‌م خه‌باته‌ بن .

3- به‌ ته‌ئكید ماموَستا زوَر ژیرانه‌و موسوڵمانانه‌ توانی‌ ئه‌م سێ‌ لایه‌نه‌ به‌یه‌كه‌وه‌ گرێ‌ بدات و له‌هه‌رسێ‌ بواردا سوارچاكی‌ مه‌یدان بوو، مه‌دره‌سه‌یه‌كی‌ ئایین په‌روه‌ری‌  له‌م بوارانه‌دا جێ‌ هێشت .

4- قوَناغی‌ بانگه‌وازو وتاربێژی‌ له‌مزگه‌وت سه‌ره‌تای‌ ده‌ستپێكردنی‌ كاری‌ ئیسلامیی‌ ماموَستا بوو، به‌پێی‌ به‌رنامه‌یه‌كی‌ بانگه‌وازی‌ توَكمه‌ دایڕشتبوو بوَ په‌روه‌رده‌ كردنی‌ گه‌نجان و ئافره‌تان و به‌رزكردنه‌وه‌ی‌ ئاستی‌ ئیمانیان  و به‌هێزكردنی‌  گوڕوتینی‌ خواپه‌رستی‌ و ڕووبه‌ڕوو بوونه‌وه‌ی‌ زوڵم و سته‌م له‌هه‌موو بواره‌كاندا .

5- به‌ڕاستی‌ ڕۆڵی‌ ماموَستا له‌دوای‌ ڕاپه‌ڕین چ له‌ناو بزووتنه‌وه‌ی‌ ئیسلامیی‌، وه‌یان له‌ناو بزووتنه‌وه‌ی‌  ڕزگاریخوازی‌ كوردستان - ڕۆڵی‌ هاوسه‌نگیی‌ و به‌یه‌ك گه‌یاندن و چاكسازیی‌ و برایه‌تیی‌ و میانڕه‌وی‌ بوو. له‌هه‌وڵی‌ ئه‌وه‌دابوو كه‌په‌یوه‌ندی‌ گشت لایه‌نه‌كان به‌جیاوازی‌ بیرو بوَچوونیان به‌هێز بكات، به‌ره‌و ئامانجێكی‌ هاوبه‌ش  كه‌ ڕزگاركردنی‌ كوردستان و وه‌ده‌ست هێنانی‌ مافه‌ڕه‌واكانی‌ میلله‌ت بوو .

6- مامۆستا مه‌لا ئه‌حمه‌د ماموَستایه‌كی‌ داناو زاناو مه‌لاو ڕوَشنبیرو سیاسه‌تمه‌دارێكی‌ خاوه‌ن په‌یام و ڕه‌وشتی‌ به‌رزی‌ سیاسه‌ت بوو.

7- به‌ڵێ‌ به‌دڵنیاییه‌وه‌ وه‌فاتی‌ ماموَستا خه‌ساره‌تێكی‌ گه‌وره‌بوو له‌گوَڕه‌پانی‌ بانگه‌وازیی‌ و  نیشتمانپه‌روه‌ریدا . پێویسته‌ هه‌وڵ بدرێت ماموَستاو ڕوَشنبیری‌ وا په‌روه‌رده‌و ئاماده‌بكرێت كه‌بانگه‌وازی‌ ئایینی‌ به‌شێوه‌یه‌كی‌ زانستی‌ دروست بلاَوبكرێته‌وه‌  كه‌ئایین و نیشتمانپه‌روه‌ری‌ به‌یه‌كه‌وه‌ گرێ‌ بدرێت.

8- بونی‌ ئه‌وو نمونه‌ی‌ ئه‌و ماموَستایه‌ زوَر گرنگه‌ بوَ لێك نزیك كردنه‌وه‌ی‌ ته‌بایی‌ له‌نێو پارته‌ سیاسییه‌كاندا .

9- په‌یاممان ئه‌وه‌یه‌ كه‌هه‌رده‌م وه‌ك ماموَستا له‌هه‌وڵی‌ به‌ده‌ست هێنانی‌ عیلم و مه‌عریفه‌ت و ڕوَشنبیریدا بین، وه‌كو ئه‌و دیندارییه‌كی‌ ڕاسته‌قینه‌و هه‌مه‌لایه‌نیی‌ و به‌حیكمه‌ت بین و خه‌مخوَری‌ بوَ مافی‌ میلله‌ته‌كه‌مان  به‌به‌شێك له‌ئایین بزانن .

له‌كوَتایشدا پێشنیاری‌ ئه‌وه‌ ده‌كه‌م  كه‌ده‌ستنووسه‌كانی‌ ماموَستا بگه‌یه‌ننه‌ چاپ و بلاَوكردنه‌وه‌ .


                                                                                      د. بشیر خلیل حداد .
                                                                              ماموَستای‌ زانكۆی‌ صلاح الدین
                                                                                كوَلیژی‌ زانسته‌ ئیسلامیه‌كان
                                                                         وتابێژی‌ مزگه‌وتی‌ جلیل خیات / هه‌ولێر
بەروار2020/03/30سەردان 89