پێشوازیمان لە ڕابەری بزووتنەوەی ئیسلامی و وەفدی یاوەری کرد

ئەمرۆ سێشەم بەرواری ٢٧ / ١١ / ٢٠١٨ ز ، لەئۆفیسی پرۆژە بانگەوازییەکانی شێخ ئەحمەد کاکە مەحموود لە شاری سلێمانی پێشوازیمان کرد لە بەرێزان کاک حاجی عرفان عەلی عبدالعزیز ڕابەری بزووتنەوەی ئیسلامیی و وەفدی یاوەری کە بەمەبەستی پیرۆزبایی سەردانی ئۆفیسی پرۆژەکانی شێخ ئەحمەدیان کردبوو ، سەرەتا وەفدی میوان پیرۆزبایی خۆیان لە کردنەوەی ئۆفیس بۆ پرۆژەکانی شێخ دەربڕی و پشتگیری خۆیان بۆ ئەو ھەنگاوە دەربڕی ، وە جەنابی حاجی عیرفان عەلی عبدالعزیز یادەوەری مێژووی پڕ لە خەبات و بانگەوازی شێخ ئەحمەد بۆ ئامادەبووان باسکرد و دەستخۆشی خۆی بۆ بەرز ڕاگرتنی ناوو پرۆژەکانی مامۆستا ئەحمەد دەربڕی ، لەبەرامبەریشدا ئێمەش بەناوی خۆمان و خانەوادەی شێخ ئەحمەد کاکە مەحموودەوە سوپاسی رابەری بزووتنەوەی ئیسلامیی و وەفدی یاوەری کردو سەردان و پیرۆزباییەکەمان بەرز نرخاند.