ئۆفیسی سەرەکی پرۆژە بانگەوازییەکانی شێخ ئەحمەد کاکە مەحموود لە سلێمانی کرایەوە

رۆژى سێشەم بەروای ١٢ی رەبیعی یەکەمی ١٤٤٠ی کۆچیی بەرامبەر بە ٢٠ / ١١ / ٢٠١٨ زایینی لە شاری سلێمانی بە فەرمی ئۆفیسی پرۆژە بانگەوازییەکانی شێخ ئەحمەد کرایەوە ، دوای ئەوەی سوپاس بۆ خودا پرۆژەکانی شێخ رۆژ بە رۆژ لە گەشەو کارابووندان ، توانرا دوای پرس و ڕاکردن بە سەندیکای رۆژنامەنووسان و ھەروەھا ھاوکاری تەواوی کاک کاروانی بەرپرسی سەندیکای رۆژنامەنووسان لقی سلێمانی ، مۆڵەتی فەرمیمان لە سەندیکاو پاشان پارێزگای سلێمانی و ھەروەھا پۆلیسی پارێزگای سلێمانی وەرگرت ، ئەمرۆش بەئامادەبوونی دایکی بەرێزم و کاک فاروق و کاک صوھەیب و کاکە محمد و سەرجەم خوشک و خانەوادەمان ، ئۆفیسی جەنابی بابم کرایەوە.
خوا یاربێت دەمانەوێ لەم ئۆفیسەدا زیاتر و باشتر پرۆژە دەعەوییەکان بەرەو پێشتر بڕۆن و کار لەسەر چوار تەوەری داھاتوو بە شێوەیەکی زۆر کاراو بەرچاو بەرێوە بڕۆن :
١- دیجیتاڵ میدیای شێخ ئەحمەد کاکە مەحموود.
٢- زنجیرەی بەرھەم و نووسراوەکانی شێخ ئەحمەد کاکە مەحموود.
٣- چارەسەری کێشەو گرفتی کۆمەڵایەتی بەتایبەت ئەو بەرێزانەی کە لەرێی نامەی پەیج و ڤایبەری شێخەوە پەیوەندی دەکەن.
٤- ھاوکاری خەڵکانی کەم دەرامەت و نەخۆش و ھەژارەکان.
ئەمانە کاری داھاتوومانن بە یارمەتی خواو پاشان دوعای خێری ئێوەی بەرێزیش.

تێبینی:
لێرەوە بە پێویستی دەزانم زۆر زۆر سوپاسی برایان و دۆستان و براو خوشکەکانم بکەم کە هاوکارییان کردم بۆ پڕ کردنەوەی پێداویستی ناو ئۆفیسەکە ، بەتایبەت ئەم بەڕێزانە :
مامۆستا ئامانج فائق کانی بەیتەشی، مامۆستا شاخەوان سیامەنسوری، کاک حسێن خەلیل، کاک ئاراس حەسەن ، دایکی بەڕێزم ، کاک نوێنەر عەزیز ، کاک فاروقی برام ، کاک سوهەیب. سومەیە خانی خوشکم. کاک عبدالحمید احمد ، کاک محمدی برام.، خێزانی دڵسۆزو بەوەفام.

وقل اعملوا فسیری اللە عملکم ورسولە والمؤمنون
www.ahmadkaka.org || www.dangiislam.org

ئۆفیسی سەرەکی: شەقامی بازنەیی مەلیک مەحموود ، بەرامبەر دەرگای سەرەکی گوندی ئەڵمانی ، تەلاری فیردەوس ، نهۆمی دووەم ، ژمارەی شوقە 3 .