بە دەنگ (mp3) کردنی سەرجەم کتێبە نووسراوەکانی مامۆستا ئەحمەد کاکە مەحموود

پڕۆژەیەکی تری نوێی پرۆژە بانگەوازییەکانی مامۆستا ئەحمەد کاکە مەحموود (رحمە اللە).

لە پرۆژەیەکی تری نەوعی و نوێدا ، لە شاری ھەولێرو بە ھاوکاری چەند برایەکی دڵسۆزو خەمخۆر بەتایبەت کاک ھاوکار محمد حەسەن برای نابیناو ھیممەت بەرزم كه سەرپەرشتی پرۆژەکه دەکات ، بریار درا سەرجەم بەرھەمە نووسراوەکانی مامۆستا ئەحمەد کاکە مەحموود بخوێنرێتەوەو پاشان بە شێوەی سیدی بەسەر براو خوشکانی نابینادا بڵاو بکرێتەوەو ھەروەھا لە سایتی فەرمی شێخ ئەحمەد بەشیوەی (mp3) بڵاو بکرێنەوە و پاشان سەرجەم رادیۆکان دەتوانن سوودی لێ ببینن..
تا ئێستاش سوپاس بۆ خودا ھەر سێ کتێبی (تەفسیری رامان و سیاسیەت لە ئیسلامدا و ژنان و کاروباری ژنان لە ئیسلامدا) خوێندراوەتەوە.. خوا یاربێت بڵاو دەکرێنەوە..
من لێرەوە زۆر زۆر سوپاسی برایان و خوشکانی دڵسۆزم دەکەم کە خەمخۆری بەرھەم و نووسراوەکانی مامۆستا ئەحمەدن.. بەتایبەت کاک ھاوکاری "نابینا" لە شاری ھەولێر کە لە نزیکەوە لە خزمەتیدا بووین کاتێک كه دەمان بینی چۆن مونتاژو بەرنامەی برینی ڤیدیۆی بەکار دەھێنا سەرسام بووین..! خوایە داوات لێ دەکەم لەم برا دڵسۆزو باشانەم خۆش ببەو من خۆم بە قەرزاری چاکەو دڵسۆزییەکانیان دەزانم.. 

دووبارەو ھەزاربارە سوپاس بۆ براو خوشکانم لە شاری ھەولێرو ھەروەھا لە شارۆچکەی چەمچەماڵ کە تەفسیری رامان دەخوێننەوە..