سەردانی سەرۆکی یەکێتی زانایانی ئایینی ئیسلامی کوردستانمان کرد

لە شاری ھەولێر سەردانی سەرۆکی یەکێتی زانایانی ئایینی ئیسلامی کوردستانمان کرد

رۆژی ١٣ / ٣ / ٢٠١٧ی زایینی لە شاری ھەولێرو بە یاوەری برایان و ھاوکارانمان لە پەیجی شێخ ئەحمەد کاکە مەحمود سەردانی بەرێز مامۆستا مەلا عبداللە وەیسی سەرۆکی یەکێتی زانایانی ئایینی ئیسلامی مان کرد، سەرەتا باس لە ھەوڵ و کۆش و دەورو کاریگەری زانایان بەگشتی کراو، دواتر مامۆستا مەلا عبداللە دەورو کاریگەری مامۆستا مەلا ئەحمەد کاکە مەحموودی زۆر بەرز نرخاندو سەرجەم ھەڵوێست و نووسراوەکانی و تێکۆشانی بە جوامێرانە وەسف کرد.. داتریش سەرجەم بەرھەمەکانی مامۆستا ئەحمەد کاکە مەحموودمان پێشکەش بە بەرێزیان کردو ئەویش بەڵێنی ھاوکاریی و پشتگیری فەتواو نووسراوەکانی مامۆستا ئەحمەد یان داو ھیوای سەرکەوتنیان بۆ پرۆژە بانگەوازیەکانی مامۆستا ئەحمەد خواست.. بەراستی ھەڵوێست و وتەکانی مامۆستا مەلا عبداللە وەیسی زۆر جێی سوپاس و رێزی تایبەتی بوون و خوا پاداشتی خێریان بداتەوە..