بەشداریمان کرد لە کۆرو ئێوارە خوانی لایەن و کەسایەتیە ئیسلامخوازەکانی کوردستان.

رۆژی پێنجشەم بەرواری ١٤ / ٧ / ٢٠١٦ زایینی لە شاری سلێمانیی و لەسەر بانگھێشتی بەرێز مامۆستا صلاح الدین محمد بھاءالدین ئەمینداری گشتی یەکگرتووی ئیسلامیی بەشداریمان کرد لە ئێوارە سیمینارێکی تایبەتدا لە ھۆڵی کۆبوونەوەکانی ھوتێل داوا.. لەو کۆبوونەوەیەدا زۆرینەی لایەن و کەسایەتیە ئیسلامخوازەکانی کوردستان ئامادەبوون، ئەم کۆبوونەوەیە بە مەبەستی یەکخستن و درووستکردنی یەکھێزیی و یەکریزیی لایەنە ئیسلامیەکانە کە ماوەیەکی زۆرە لە کوردستان لە کەش و ھەوایەکی نا تەندروست ھەنگاو دەنێن و لە زۆربەی کایە سیاسیی و سەرجەم بوارەکانی تری کاری ئیسلامیی لە ئاست حەزو ویستی جەماوەری ئیسلامخوازی کوردستاندا نیەو ئەم ھەنگاوەی بەرێز مامۆستا صلاح الدین لە ئێستادا بە یەکەم ھەنگاوی گرنگ دادەنرێ لەو بوارەدا..
ئێمەش ھیواو ئاواتی گەورەمان یەکریزیی و یەکبوونی ئیسلامیەکانە.. خوای گەورە بەرەکەت بخاتە ئەم ھەنگاوە گرنگەوەو ئاواتی گەورەی موسوڵمانان بێتەدی...
پەیجی شێخ ئەحمەد کاکە مەحموود سەرجەم ئەو کۆرو سیمینارەی بە شێوەی راستەوخۆ گواستەوە.