پەیامی سەرەخۆشی بەبۆنەی کۆچیی دوایی جەنابی دکتۆر موستەفا زەڵمی

ئەمرۆ ٤ / ٦ / ٢٠١٦ زایینی زانای ناوداری جیھانی ئیسلامەتی و شەریعەت عەللامە پرۆفیسۆر (دکـتۆر مستەفــا زەڵمی) لە شاری ھەولێر کۆچیی دوایی کرد .
بەبۆنەی وەفاتی جەنابیانەوە پرسەو سەرەخۆشی ئاراستەی سەرجەم موسوڵمانانی جیھان و کوردستان بەتایبەتی دەکەین و داواکارین لە خوای میھرەبان لە جەنابی دکتۆر خۆش ببێ و ھەر ئیجتھادو تازەگەرییەک کردویانە ئەکەر پێکابێتیان دەیان ئەجرو پاداشتی بۆ نووسرابێ و لە ھەڵەو کەمو کوڕییەکانیشی خۆش ببێ.. 
جەنابی دکتۆر تەمەنی ھەموو لە خزمەت زانست و زانیاری ئیسلامیی سەرف کردو زیاتر لە ٤٠ ساڵیش مامۆستاو وانە بێژ بووە لە زانستەکانی ئوصولی فیقە و ئوستاژی فیقھی موقارن بووە و ئاگای لە ھەموو مەزاھبەکان بووە بە بەڵگەکانیەوە..
بۆیە جێگای خەم و پەژارەیە کە گەلی کوردی موسوڵمان زانایەکی دەگمەنی سەردەمی  "نەمانی پلەو رێزو حورمەتی عیلم و گرنگیدان بەزانستی ئیسلامیی و قاڵبوونەوە تێیدا "و خۆ سەرقاڵکردن بە رووکەشی زانستەوەو گەران بەدوای شەھادەو پلە ئەکادیمیەکانداو لە واقیعیشدا نەتوانین و ئەستەم بوون لە جێگریکردن و پڕ کردنەوەی ئەو کەڵە زانایانەی پێش خۆیان..!!
مامۆستا بە مەعنای کەلیمە موجتەھید بوو.
مامۆستا زەڵمی بە مەعنای کەلیمە ئوصولی بوو.
مامۆستا لە راستیدا فەقیە و بە جورئەت بوو لە یەکلاکردنەوەی را جیایی مەزھەبەکاندا.
مامۆستا ئاگای لەسەرجەم بابەتە خیلافیەکان بوو وە بە تەواوی زانابوو بە فقە مقارن.
دەیان و سەدان زانیاریی و پلە بەندییەکانی تری زانستە شەرعیەکان.
بەم بۆنەوە پرسەو سەرەخۆشی لە بنەماڵەی بەرێزو کەس و کارو خزمانی بەتێکرا دەکەین و لەخوای میھرەبان داوای لێخۆشبوون و بەھەشتی بەرینی بۆ دەخوازین و ھیواخوازین کە لەوێ پاداشتی زەحمەت و خزمەتەکانی بداتەوە. 

انا للە وانا الیە راجعون

عیرفان ئەحمەد کاکە مەحموود
لە بری خانەوادەی مامۆستا مەلا ئەحمەد کاکە مەحموود
4/6/2016