لە کۆبوونەوەی زانایان و بانگخوازاندا

ئەرۆ شەممە بەرواری ١٥ی رەجەبی ١٤٣٧ی کۆچیی بەرامبەر بە ٢٣ / ٤ / ٢٠١٦ زایینی بەشداریمان کرد لە کۆبوونەوەو سەفرەی زانایان و بانگخوازانی شارەکانی ھەولێرو سلێمانیی و ھەڵەبجەو کەرکوک و ھەڵەبجەی تازەو ھەورامان و شارەزورو پێنجوێن و چەندین ناوچەی تری کورستان.. 
شایانی باسە لەم سەفرەو کۆبوونەوەیەدا چەندین تەوەری گرنگ بۆ کاری ئیسلامیی خرایە ڕوو وە چەندین وتار لەوبارەوە بۆ ئامادەبووان پێشکەشکرا.. سەرەتا جەنابی مامۆستا مەلا نادر کانی کوردەیی بەخێرھاتنی میوانانی کردو پاشان لەلایەن مامۆستا شێرزاد عبدالوھاب و چەند مامۆستایەکی ترەوە چەند وتەیەک پێشکەشکرا، وە چەندین بەرنامەو بابەت لەلایەن برایانی لقی دەزگای رووناکی ھەڵەبجە: مامۆستا عبدالدائم ھەورامانی و م.شێخ ئیبراھیم نیرگسە جاری و م. شێخ سیروان و م. شێخ عدنان رێکخرابوو وە چەندین تەوەری رەنگاو رەنگ بۆ ئامادەبووان ئامادە کرابوو.. شایانی باسە ئەم سەفرەو کۆبوونەوەیە لەلایەن دەزگای رووناکی لقی ھەڵەبجەی شەھید رێکخرابوو ..خوا پاداشتی خێریان بداتەوە.