جەنابی مامۆستا مەلا عبداللە ی زیخان کۆچی دوایی کرد 

رۆژی یه‌ك شه‌ممه‌ 10/4/2016 مامۆستای‌ دڵسۆزو ناوداری‌ كوردستان و دۆست و خۆشه‌ویستی‌ شێخ ئه‌حمه‌د كاكه‌ مه‌حموود جه‌نابی مامۆستا مه‌لا عبدالله ی‌ زیخان كۆچی‌ دوایی كردو ماڵئاوایی له‌م دونیا پڕ له‌ جه‌فاو زه‌حمه‌ته‌ كرد، جه‌نابی مامۆستا به‌ یه‌كێك له‌ زانا گه‌وره‌كانی‌ كوردستان ناسراوه‌و خاوه‌ن عه‌قڵ و فیقهێكی‌ به‌ر فراوان و له‌ بواری‌ فیكری‌ ئیسلامی و كاری‌ ئیسلامیشدا به‌ نوخبه‌ترین مامۆستا ئه‌ژمارد كراوه‌... خودای‌ گه‌وره‌ له‌ گوناحه‌كانی‌ خۆش بێت و به‌ فردوس الاعلی‌ شادی‌ بكات..
به‌ناوی‌ بنه‌ماڵه‌ی‌ شێخ ئه‌حمه‌د كاكه‌ مه‌حمووده‌وه‌ پرسه‌و سه‌ره‌خۆشی خۆمان ئاراسته‌ی‌ بنه‌ماڵه‌ی‌ مامۆستا مه‌لا عه‌بدالله ده‌كه‌ین و داواكارین خوای‌ میهره‌بان له‌گه‌ڵ پیاوچاكان و راستگۆیان و شه‌هیدان حه‌شری بكات..

بنه‌ماڵه‌ی‌ شێخ ئه‌حمه‌د كاكه‌ مه‌حموود
4 ره‌جه‌بی 1437 كۆچیی
12 / 4 / 2016 زایینی‌