رێژه‌ی‌ موسوڵمانان له‌ ئه‌وروپا

ئەڵمانیا و فەڕەنسا ئەو دوو ووڵاتەی ئەوروپان کە زۆرترین موسوڵمانیان تیادایە، لە ئەڵمانیا کە ٥.٨%ی دانیشتوانەکەی موسوڵمانە چوار ملیۆن و ٧٦٠ هەزار موسوڵمان هەیە، لە فەڕەنسا کە ٧.٥%ی دانیشتوانەکەی موسوڵمانە چوار ملیۆن و ٧١٠ هەزار موسوڵمان هەیە، لەدوای ئەو دوو وڵاتەوە لە ئەوروپا هەریەکە لە بەریتانیە بە پلەی سێیەم و ئیتاڵیا بە پلەی چوارم دێن و بەریتانیا ٤.٨%ی دانیشتوانەکەی موسوڵمانەو نزیکەی سێ ملیۆن موسوڵمانی تیادایە (دوو ملیۆن و ٩٦٠ هەزار موسوڵمان)، لە ئیتاڵیا کە ٣.٧%ی دانیشتوانەکەی موسوڵمانە دوو ملیۆن و ٢٢٠ هەزار موسوڵمانی تیادایە.
بولغاریا کە لە پلەی پێنجەمدا دێت ١٣.٧%ی دانیشتوانەکەی موسوڵمانە و یەک ملیۆن و ٢٠ هەزار موسوڵمانی تیادایە، هۆڵەندا لە پلەی شەشەمدا دێت و ٦%ی دانیشتوانەکەی موسوڵمانە و زیاتر لە یەک ملیۆن موسوڵمانی تیادایە، ئیسپانیا لە پلەی حەوتەمدا دێت و ٢.١%ی دانیشتوانەکەی موسوڵمانە و ٩٨٠ هەزار موسوڵمانی تیادایە، بەلجیکا لەدوای ئیسپانیاوە دێت و ٥.٩%ت دانیشتوانەکەی موسوڵمانە و ٦٣٠ هەزار موسوڵمانی تیادایە.
هەروەها لە ڕووسیا ١٤ ملیۆن موسوڵمان هەیە و ١٠%ی دانیشتوانی ئەو وڵاتە پێکدەهێنن.