"دایە خاتوون"ی دایکی مامۆستا ئەحمەد کاکە مەحموود کۆچیی دوایی کرد.

رۆژی ھەینی بەرواری ١ سەفەری ١٤٣٧ کۆچیی بەرامبەر بە ١٢/١١/٢٠١٥ زایینی لە شارۆچکەی خورماڵ دوای زیاتر لە ٨٥ ساڵ تەمەن، دایە خاتوونی دایکی بەسۆزو میھرەبانی مامۆستا مەلا ئەحمەد کاکە مەحموود کۆچیی دوایی کرد..
شایانی باسە دایە خاتوون لە پێگەیاندن و گەیشتن بە ئاواتی ئەوەی کە کورێکی ببێتە خزمەتکاری دین و ئایینی پیرۆزی ئیسلام کەمتەرخەمی نەکردو لەو پێناوەشدا ھەوڵ و ھیممەتێکی زۆری کرد..
خوای گەورە لێی وەربگرێ و بیکاتە ئەجرو پاداشتی قیامەتی..
خوای گەورەو میھرەبان لە ژیاندا دایە خاتوونی زۆر تاقیکردەوەو تووشی سەدان میحنەت و ئیبتلای کرد بەتایبەت بە وەفاتی مامۆستا ئەحمەد کاکە مەحموودی تاقانە کوڕی خۆشەویست و بەسۆزیی و تەنھا ھەر ئەویشی بە دڵسۆزو خەمخۆری خۆی دەزانی.. داواکارین لە خوای گەورە دایە خاتوون بە بەھەشتی بەرینی خۆی شاد بکات و لەگەڵ پیاوچاکان و ژنانی ھیممەت بەرزو بە ویقاری ئەم ئووممەتە حەشری بکات.

انا للە وانا الیە راجعون

خانەوادەی مامۆستا ئەحمەد کاکە مەحموود
١ی سەفەری ١٤٣٧ ک
٢٠١٥/١١/١٢ ز