بەرێز سەرۆکی ھەرێم بۆ نایەنە وەڵام و ھەڵوێست نانوێنن..؟!

ماوەیەکە لێرەو لەوێ لەناو ئەم کۆمەڵگە موسوڵمانەدا ڕاو بۆچوونی دژ بە ئایین و ئایدیاو ئەخلاق و رەوشتی ئەم میللەتە موسوڵمانە لە تیڤیی و رۆژنامەو سایت و تۆرە کۆمەڵایەتیەکان رەواجی پێ دەدرێ و بێگوێدانە حساب کردن بۆ ئەم گەلە موسوڵمانەی کە لەسەدا (%٩٠)ی لەسەر مەنھەجی ئەھلی سووننەیەو شانازی بە دین و قیەمی ئیسلامیی خۆیەوە دەکات.. 
باشە ئەگەر بەو دیموکراسییەی خۆشتان بێت کە بەزۆر بە ئێمەی دەفرۆشنەوە.. کوا درووستەو رەوایە بە زۆر کۆمەڵێ ئاداب و رەوشتی نا مرۆڤانە و دوور لە بەھای مرۆڤایەتی بدرێ بەسەر گەلێکی موسوڵمانی وەک ئەم گەلە بەش مەینەتیەی ھەر رۆژەی لە ژێر پەردەیەکدا زوڵم و خیانەتی لێدەکرێ.!
بۆیە حەق وابوو مامۆستایانی ئایینی بە پلەی یەکەم و دواتریش حزبە ئیسلامییەکان بە پلەی دووەم کە ئەو خەڵکە موسوڵمانە بۆ دوو ھەڵوێستی ئاوا دەنگیان پێداون کە بەرگری لە دین و ئایدیای ئەم گەلە بکەن.! 
پاشان بەرێز سەرۆکی ھەرێم (کاک مەسعود بارزانی) کە خۆی بە موسوڵمان و بە شوێنکەوتەی مەزھەبی ئیمامی شافعی دەزانێ .. وەک ئەوەی کە سەرۆکی ئەم ھەرێمە موسوڵمانەیەو وەک ئەوەی کە دەبێ تەنھا لە بوارە سیاسیی و سەربازییەکان ھەڵوێستی نەبێ و بەڵکو دەبێ لەم جۆرە ڕووداوانەشدا بە شێوەیەکی خێراو بێ وەستان ھەڵوێست بنوێنن و ئەو ئەگەرانەی کە دین و رەوشتی ئەم میللەتە دەخەنە خەتەرەوە لەلایەن چەند کەسێکی نامۆو بێزراو .. بەخێرایی به بەیاننامەیەک ھەڵوێست بنوێنن و ئەو بابەتانەی کە زەرەر لە بواری دینیی و ئایینی و ئەخلاقیی ئەم میللەتە موسوڵمانە دەدەن بە ھێڵی سووری وەسف بکردایەن..!!
ئێمە لە پەیجی شێخ ئەحمەد کاکە مەحموود داوا لە سەرۆکی یەکێیتی زانایان و پاشان سەرۆکی ھەرێم دەکەین نەیەڵن لەم کاتە ناسکانەدا کە کوردستانی پیادا تێدەپەرێ لەم جۆرە بۆچوون و بیرکردنەوە نامۆیانە لەسەر شاشەو رۆژنامەو سایت و تۆرە کۆمەڵایەتیەکاندا رەواجی پێ بدرێ و سومعەو مێژووی ئەم گەلە موسوڵمانە ناشرین و لەبەر چاو بخرێ..

عیرفان ئەحمەد کاکە مەحموود
سەرپەرشتیاری پەیجی شێخ ئەحمەد کاکە مەحموود
سلێمانی / 22 / 7 / 2015 ز