بیرمه‌ندی مه‌زنی ئیسلامیی محمد قطب كۆچی دوایی كرد

به‌پێی هه‌والێكی یه‌كێتی زانایانی جیهانی ئیسلامیی سه‌ر له‌به‌یانی ڕۆژی 2013/4/4 بیرمه‌ندی مه‌زنی ئیسلامیی موحه‌ممه‌د قوتب، برای سه‌ید قوتبی شه‌هید دوای ته‌مه‌نێكی گه‌ش و پڕ له‌ ئیمان و نووسین و خزمه‌تكردنی عه‌قیده‌و فیكری ئیسلامیی و له‌ ته‌مه‌نی 95 ساڵیدا له‌سعودییه‌ كۆچی دوایی كردو گه‌ڕایه‌وه‌ ئاستانه‌ی خودا...
ناوبراو له‌ 1919/4/26 له‌ گوندی موشای پارێزگای ئه‌سیوت له‌دایك بووه‌و برا بچووكی سه‌ید قوتبی شه‌هیده، كه‌ سیازده‌ ساڵ له‌ سه‌ید قوتب بچووكتر بووه‌..
محمد قوتب یه‌كێك بوو له‌و كه‌سانه‌ی كه‌ زۆر به‌ فیكری براكه‌ی سه‌ید قوتب كاریگه‌ر بوو و به‌ قه‌ڵه‌مه‌كه‌ی خۆی توانی خزمه‌تێكی زۆری موسڵمانان بكا له‌ سه‌ده‌ی بیسته‌مدا... پێده‌چێت په‌رتووكه‌كانی ئه‌و پڕفرۆشترین و كاریگه‌رترین بن له‌ بواری فیكرو عه‌قیده‌ی ئیسلامییدا.. خوای میهره‌بان لێی ڕازی بێت و به‌ باشترین شێوه‌ پاداشتی بداته‌وه‌و بیگه‌یه‌نه‌ته‌وه‌ به‌ خۆشه‌ویستانی.