وه‌فایه‌ك بۆ پیاوه‌ گه‌وره‌و به‌ غیره‌ته‌كه‌ی‌ كوردستان..

رۆژی 17 / 3 / 2007 ئه‌و رۆژه‌ بوو كه‌ جه‌نابی مامۆستا مه‌لا عه‌لی‌ عبدالعزیز له‌ ده‌ره‌وه‌ی‌ وڵات به‌ نه‌خۆشیی به‌ره‌ولای‌ خوای‌ په‌روه‌ردگار گه‌رایه‌وه‌، جه‌نابی مامۆستا مه‌لا عه‌لی‌ ئه‌و ده‌نگه‌ دلێره‌ بوو له‌ناو واقیعی كوردستاندا جێگای‌ به‌رز راگیرابوو، خزمه‌ت و جیهادی‌ ئه‌م كه‌ڵه‌ پیاوه‌ به‌ رابوونی‌ ئیسلامیی كوردستان خزمه‌تێكه‌ ناكرێ له‌بیری‌ نه‌وه‌كانی‌ داهاتوودا بسڕێته‌وه‌، بۆیه‌ ئه‌زموونی‌ غیره‌ت و ده‌عوه‌و جیهادو خواپه‌رستیی و شۆرشی بۆ ئه‌م بزاڤه‌ ئیسلامییه‌ جێگای‌ نرخاندنه‌و ده‌كرێ هه‌موو لایه‌كمان سوودو كه‌ڵك له‌ شاكاره‌كانی‌ ته‌مه‌نی‌ زێرینی وه‌ربگرین، مێژووش شاهیده‌ له‌سه‌ر ئاكارو ماندووبوونی‌ ئه‌م كه‌ڵه‌ پیاوه‌و له‌ لاپه‌ره‌كانی‌ خۆیدا تۆماری‌ ده‌كات.. بۆیه‌ ئێمه‌ له‌ ماڵپه‌ری‌ مامۆستا مه‌لا ئه‌حمه‌د كاكه‌ مه‌حمووده‌وه‌ هه‌زاران سڵاوو ره‌حمه‌ت ده‌نێرین بۆ سه‌ر رۆحیانه‌تی‌ به‌رزه‌ فری‌ جه‌نابی مامۆستاو داواكارین له‌ خوای‌ گه‌وره‌و میهره‌بان له‌گه‌ڵ پێغه‌مبه‌ران و راستگۆیان و شه‌هیدان و پیاوچاكاندا حه‌شری‌ بكات و شوێنی‌ ئه‌م كه‌ڵه‌ پیاوانه‌مان بۆ پڕ بكاته‌وه‌. انشا‌‌‌ءالله.

ماڵپه‌ری‌ مامۆستا مه‌لا ئه‌حمه‌د كاكه‌ مه‌حموود
16 ی‌ جه‌مادی‌ یه‌كه‌می‌ 1435ی‌ كۆچیی
17 / 3 / 2014 زایینی‌