بەشداریمان لە کۆربەندی جیھانی میانە ڕەویی

ئەمرۆ ١٩ی زولحیجەی ١٤٣٦ ی کۆچیی بەرامبەر بە ٣/١٠/٢٠١٥ زایینی لە ھۆڵی بۆنەکانی ھۆتێل مەم و زین لە شاری سلێمانی  بەشداریمان کرد لە کۆربەندی جییھانی میانەرەویی کە بەشێکی بە فەرمی لە شاری سلێمانی دەکرێتەوە..
سەرەتا جەنابی مامۆستا صلاح الدین وتەی بەخێر ھاتنی پێشکەش کردو گرنگی کردنەوەی لقی کوردستانی ئەو کۆربەندەی بە گرنگ وەسف کرد..
پاشان ھەر یەک لە دکتۆر ئاسۆو دکتۆر ھەڤاڵ بەناوی پارێزگارو سەرۆکی ئەنجومەنی پارێزگای سلێمانی وتەیەکیان پێشکەش کرد.. دواتر دکتۆر محسن عبدالحمید وتەیەکی پێشەکەش کردو تیایدا رۆڵی گەلی کوردی لە بەرز راگرتن و زیندو راگرتنی پەیامی ئاسمانی خوای پەروەردگاری بەرز نرخاند..
پاشان لە ھەڵبژاردنی بەرپرسی یەکەم و دەستەی کۆربەند جەنابی مامۆستا صلاح الدین محمد بھا‌ءالدین دەنگی یەکەمی بەدەست ھێناو بوویە ئەمیندارو بەرپرسی کۆربەندی جیھانی میانەرەوی لقی کوردستان..
دواتر لەو کۆربەندەدا چاومان کەوت بە دەیان مامۆستاو بانگخوازی ئیسلامیی کوردستان و لە نزیکەوە گفتوگۆو چەندین بابەتمان تاوو توێ کرد..
زۆر زۆر سوپاس بۆ لیژنەی ئامادەکاری ئەو کۆربەندییەو ھیوای سەرکەوتنیان بۆ دەخوازین..